理財個案｜35歲想買住院＋危疾保險！如何投資可5年內儲到50萬｜龔成教室

【理財個案】35歲一直想買住院＋危疾保險！另外，想知是否需要每月投資1萬買股票，才可在5年內儲到50萬？有沒有更快速的短期炒賣方法賺錢？

理財個案｜讀者來信：如何投資可5年內儲到50萬

老師，我已經35歲。一直想買住院＋危疾。我想問應該買你邊本書作為入門學習投資？我想問係咪根據以上係咪我最少係要有7,000元平穩投資＋儲蓄3,500元，先有機會四至五年儲到50萬？我想問有冇啲短期炒賣可以加快速度？

理財個案｜龔成老師分析︰向建議任何人都要買住院＋危疾保險

35歲，其實依然算年青，投資策略上跟我之前教的就可以。住院＋危疾，我偏向建議任何人士都要買的，當然都要考慮自己財務狀況。如果財政上許可，這類保障型保險愈早買愈好。因為價格和保障範疇，有機會因你年紀增長而變得愈來愈不理想（例如你有過XX重病，就算買到保險，也可能將這個病變成不受保之列），所以要盡早安排。

每月月供優質股3500元＋儲蓄3500元

書本上，你可以睇我寫《80後千萬富翁》、《財務自由行》和《股票勝經》，都適合初學者。至於之前講的「我假設投資回報有10%（連股息再投資），你每月投資$7,000，4-5年後大約會增值至50萬」，意思係每月供優質股$3,500 + 儲起$3,500(等大跌市)，總數係每月$7,000。而唔係 $7,000，再加$3,500，變$10,500咁多。

投資一定係長線

到你最後問架短炒，其實我預左你會問，因為實在太多好似你這類個案的讀者。最尾因為覺得建議增長太慢，或者自己急於求成，所以會轉去短炒。你望你明白，我哋投資一定係長線，你見全世界最成功的投資人巴菲特，都只會做長線投資，唔會短炒。

唔會建議你短炒

因為中短期股價，可以因為好多因素影響，有些因素甚至跟企業無關，所以無得計。但長線企業價值，必然會反映在股價上，只要長線持有優質股，就自然會有理想回報。所以，我唔會建議你短炒，因為我見過太多失敗個案，最終令自己更加進退失據。

財不入急門

記住，財不入急門，一定要比時間。唔好高估自己，短時間可以做到架事。同時，都唔好低估自己，長時間可以做到架事，加油！