理財個案｜37歲月入2萬、想退休存700萬！100萬儲蓄點投資好

【理財個案】37歲讀者月入2萬元，計入強積金儲蓄約有100萬元，現在財富以定期存款及股票為主，目標在退休時存夠700萬，以目前的理財方法可行嗎？

理財個案（1）讀者來信：37歲月入2萬元

成sir你好，本人今年37歲，正職月入2萬，目前計埋強積金，儲蓄約有97萬。而家在職進修緊碩士課程，每三個月要支出約二萬元學費，現時平時星期六日都有返兼職賺取$5400當幫補下學費。但黎緊兼職可能唔再續約，所以遲下冇得再做。

現時每月儲蓄$15000，其中$5500會入落股票戶口，儲夠一筆錢就用黎買藍籌股收。

股票戶口約有15萬。

手上有23萬做流動資金

此外，有10萬做緊定期四厘息，每月儲$4000入落另一個活期息儲蓄戶口，等儲夠十萬再做另一筆定期。

另外有15萬擺左係儲蓄互助社，每月自動轉帳$5500入落戶口，因為每年利息率唔同，上年約有2.x厘利息派。

手上有23萬做流動資金
強積金21萬擺哂高風險

想退休時存夠700萬

現時股票如下：

09960 康聖環球 500股買入價9.78買入一直冇收過息兼虧蝕左超過80%
00823 領展 128股岩岩供完股現時買入價67.747
04252 政府債券 400股買入價100
00939 建行 1000股買入價6.13
04246 政府債券 300股買入價100
02628 中國人壽 1000股買入價13.04
00386 中國石油化股份 2000股買入價3.35
00006 電能實業 500股買入價36.55

想退休時候能存到700萬，以我目前理財方法可行嗎？

理財個案（1）龔成老師分析：37歲應以增值為主

以你的整體投資分配來講，較爲偏向保守。

我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

你37歲，應以增值為主。

定期和儲蓄互助社在增值上效果不大

定期和儲蓄互助社在增值上效果不大(當然儲蓄互助社，如果儲錢落去係連帶有一些福利，你係可以保留)，而你現時買入的股票都是偏向收息類別的資產，增長力都不強。

持股組合中，康聖環球（9960）質素算是中等，企業獨特性未算好強，以及這刻佢在虧損中，往後的發展仍有較多不確定性。

中國人壽(2628)有質素，但都唔算好強，領展（0823）算係當中最好。

可以保留財富組合再以月供股票增值

以每月儲$9500(原先投入股票預算和定期) + 97萬，20年後要儲到超過700萬，甚至過1000萬都係可以。但重點係要投資一些較具增長力股票，如果維持現有組合，會比較勉強。

如果你係一個投資較保守，或者投資知識不高的人，我建議你現有財富組合保留。但未來每月除了月供$5500外，定期$4000也用來月供股票增值。

可以集中「平穏增長股」去創造一個增值平台

策略上，可以集中「平穏增長股」去創造一個增值平台。如果想進取少少，可以加入一些「潛力股」，或將部份定期"分注"投資以下股票。

你可以用現時買股票的$5500資金做月供。

每月餘下$4000和23萬現金，就等大市有一定回調時，才慢慢去加注，並長線持有。

這段時間，你要多讀投資相關書本、年報，新聞和報讀相關課程。

書本上，你可以睇我寫架《80後千萬富翁》、《財務自由行》和《股票勝經》，都適合初學者，有助你長線管理和規劃自己財富目標。

理財個案（2）讀者來信：分拆業務上市為何會釋放價值？

龔老師，今次有以下問題請教：

1257出了業績好似好弱，想問股票係咪出左核心改變？而持股需要止蝕嗎?
9618好似分拆業務上市，請問會利好嗎？小弟都長遠睇好9618
分拆業務上市為何會釋放價值？
咁分拆之後，咁增持母公司還是子公司較好？
2388業績都出左，股息提高，請問長遠價值還在？可以增持？

理財個案（2）龔成老師分析：國光大綠色環保近年增長弱左

1)中國光大綠色環保（1257）近年增長弱左，但其實又不算差的。

業務上，長線應該有發展的，但負債持續上升，加上市場擔心佢之後的增長力有所減慢，故對佢估值一直都唔太高。

此股仍是有投資價值，但就不宜大注，若你持貨不多，可以守住先，再觀察佢和行業發展。

分拆在投資者的眼中會有短期的利好作用

2)分拆在投資者的眼中會有短期的利好作用，因爲憧憬營運會較之前改善同時可以再次集資。

但分析股票不能從個別因素下結論，要從整體出發，消息是否能夠影響到核心因素才是最關鍵。

京東（9618）業務波動，但長遠不是無質素，發展仍有的，不過股價上落就較大，投資要注意風險。

分析業務，有助於釋放價值、更專注個別業務，同時可以減少負債水平。不過，你話好利好又唔算。

從質素上，這股不差的，如有貨可以持有；如要買入，要控制注碼。這股可以長線投資的。

中銀香港是較有質素的一隻本地銀行股

3）因爲多個業務集中個一個公司，係估值時候有時會被低估。故集資有機會進一步體現個別業務價值，令市值上升，從而得到釋放價值的效果。

4）你要睇翻到時估值和母企持有子公司比例，好難一概而論。例如新的子公司作價好平，而母企現價係略貴，咁好明顯而一刻會係投資子公司較好。

5）中銀香港（2388）係本地銀行股裡面，是較有質素的一隻，長線投資價值無變。

至於是否增值，你可以睇自己持貨量決定。現價合理，如果你持貨唔多，可以入少少。

理財個案（3）讀者來信：老師點睇石油收息股？

老師，請問老師睇好石油收息股嗎？

理財個案（3）龔成老師分析：收息可以考慮中石化

如果你想用這類股份收息，可以考慮中石化(0386)，質素算是不差，收息可以，但增長力方面不強，因此質素又未到好好，始終這只是商品企業，沒有一些太大的優勢。

石油是商品，當中沒有差異性，佢地要將石油賣出，只能跟國際油價，這令佢地處於被動狀態。沒有價格自主的能力，這令佢地的獨特性有限。這類商品企業，都可投資，但就要明白不是最高質的企業。

生意不差，但增長力不強，這是受油價等因素影響，反映佢處於一個被動的狀態。收息是可以的，但增長力唔算強。

理財個案（4）讀者來信：24歲有10萬儲蓄想學投資

老師你好，想問一下幾隻股票，我24歲大概十多萬儲蓄，想問下現價買入9988，1137，369及293的意見。

理財個案（4）龔成老師分析：5隻股票分析

阿里(9988)是優質的潛力股，但有可能因爲政策的風險而變得波動，現時有投資值博率，如果無貨，可以小注。

香港科技探索（1137）業務有前景，算是潛力類，但同時風險都不少，投資的話，要控制好注碼。

永泰地產（0369）營業額雖然有升，但5年中有2年虧損，賺錢能力唔算好高，投資價值一般。

相信航空業最差時期已過去

國泰（0293）的質素中等，相信航空業最差時期已過去。相信佢會慢慢好轉，不過，未必是高增長類。

佢本身的賺錢能力，不過不失，當中都有一些潛在風險，其中一個風險，是油價，睇翻佢過往多年，油價對佢成本影響好大，令佢盈利十分波動，就算佢利用對沖，都唔係好成功，反而試過因對沖而蝕大錢。

航空業對經濟週期較敏感

另外，航空業對經濟週期較敏感，收入不穩，同時唔算係一個好賺錢的行業，因此這股的質素只是一般。

整體的投資價值，中等，大環境會帶動佢好轉，但不建議投資太多，現價合理。

我睇翻你問我架股票，估計你投資經驗應該唔係好多。

每月先用5成儲蓄做月供

你24歲，應以增值為主，建議你用「平穏增長股」 + 「潛力股」作組合，去創造一個增值平台。

若果你投資知識不多，建議你先集中用以下股票和月供儲貨，以免出現買錯貨和買貴貨架問題。

現在你每月先用5成儲蓄做月供。其餘先儲起，用一邊月供一邊儲蓄的策略。

用「分注」形式長線投資

現時大市只是合理區中下部，你現有10萬資金可以先投入一半，用「分注」形式，慢慢買貨。餘下一半和每月所儲到的資金，就等大市出現一定程度的下跌，才大力度掃貨，然後長線投資。

除了利用月供方法，去進行財富增值外。你都必需要加強自己投資知識，提升選股分析和估值能力。長遠目標係可以自己因應市況平貴，自行制定入市策略，才可以將財富增值能力，推升至一個更高的層次。

建議多接收投資相關的知識

我建議你要多讀投資相關書本、年報，新聞和報讀相關課程。書本上，你可以睇我寫架《80後千萬富翁》、《財務自由行》和《股票勝經》，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。

理財個案（5）讀者來信：美股FRC可炒底嗎？

請問美股FRC可炒底嗎？比之前跌左9成。

理財個案（5）龔成老師分析：風險會好高

你預風險好高，就算你想，都只建議小注。

第一共和銀行(FRC)專門為美國選定大都市地區的客戶提供服務，包括私人銀行業務、私人商業銀行業務、房地產貸款和財富管理服務等。

睇佢過往數據，其實都不算無質素。

但由於過去已有多間銀行出現流動性問題，所以現階段好難知佢實際潛在風險。

中短期不確定性都一定大

見佢現時集資情況，相信現時業務流動性有一定壓力。

而最大的問題是，當金融危機發生，較弱的銀行，市場會對佢信心較差，就好易原本無事都變有事。

長線發展成點無人知，但相關股份最好不要持有太多，始終中短期不確定性都一定大。你預買得這股，有機會大賺或大蝕。

理財個案｜37歲月入2萬元、想退休時存夠700萬！100萬儲蓄點分配投資｜龔成教室