【理財個案】90後投資新手無咩股票投資經驗，又欠缺市場觸覺，但不想幫人打死一世工，用時間換金錢！因此想學投資優質股將現金增值，以錢搵錢的方法達到財務自由。
理財個案（1）讀者來信：90後投資新手目標財務自由
老師，好多專家話今年個經濟趨勢唔好景，我始終係90後新手，冇咩股票投資經驗，冇經歷過太多，更加冇咩市場觸覺，咁其實點先為之股價超出左企業本身個價值？而對市場既觸覺係點學或者提升
因在我能力圈都只識睇下新聞，世界局勢，始終香港唔係玩股票，主要幫中國賺錢同走資，同現時唔確定既政治好大關係。
如果想現金流創造財富應該從何入手？
其次，到現在都唔識分牛熊市狀態同周期，直覺話我知市場氣氛唔樂觀，想問如果想現金流創造財富應該從何入手，低處又未算低，係咪等於只要優質企業就十拿九穩長遠地財富增值從而變為資產？
我買股票最主要原因係唔想幫人打死一世工，用時間換金錢，所以透過投資優質股將現金增值，變為財富，再組合成資產，最終以不在職收入既方式經營，實現財務自由，先有機會做更多自己問心想做既事。
理財個案（1）龔成老師分析：生意、盈利、現金流、資產、負債
要計企業的價值，過程比較複雜，好難三言兩語就講到，就算在我的股票班，都要講5小時，裡面會講3種估值方法，有難有易，但同學都用到的。
簡單來說，你要考慮企業的生意、盈利、現金流、資產、負債等財務數據，同時要比較行業，考慮這企業的經營情況，之後的環境又會如何。這都是計算的基礎。
例如，我地會考慮佢有多少生意，有多少盈利、現金流，有多少資產，從而計算該業務值多少錢，同時會推算將來的盈利情況，去推算這企業長遠的價值。
市場觸覺是知識和經驗的累積
如果要深入計算，基本上要好仔細的研究企業，要分析好多財務數據用比率，先至有較完整的答案。
至於市場觸覺，其實就係知識和經驗的累積，唔會有人可以乜都唔識，但又可以好有觸覺和準確咁知道幾時做買賣。
世界經濟，牛熊市況等雖然都有了解的需要，但更重要是分析企業和估值能力，這個才是整個投資決策的核心。
買貴左會對長線回報率造成負面影響
我地要明白企業長期發展和質素，去理解佢是否適合作為長線持有的增值對象。另外，我地了解其質素，才可以預測佢未來盈利能力，從而知道今天企業的股價，到底是平是貴，來決定入貨與否。
因為再優質的股票，買貴左，點都會對長線回報率造成負面影響。
因此，你可以見到「分析企業優質度」和「估值定平貴」，會是整個財富增值的核心。而這部份是必需要一定投資知識，才可以有能力處理好。故你想成功達至財務自由，相關投資知識是否可缺少。
理財個案（2）讀者來信：高息要維持到幾時先完結？
老師，依你所見，其實你覺得高息要維持到幾時先完結呢？高息為壓抑通賬，咁根據過往情況，通賬一般又會持續幾年呢？
其實係唔係只要高息，股票就無運行呢？
理財個案（2）龔成老師分析：重心應是注意公司的長線發展
其實好難估，因為要睇好多因素，包括通漲、整體經濟、就業數據等。
現時通漲率雖然都仲係高，跟FED目標2%尚有很遠，但考慮到通漲率持續放緩(但依然有變數)。加上加息副作用開始浮現，除非有突發事情發生，否則估計隔離見頂不會太遠。
不過，我地分析一隻股票，係睇佢長線質素。加息對佢融資成本和估值係有影響，但唔係重心。重心反而應該係睇佢長線發展，去進行判斷。
理財個案（3）讀者來信：1686 ，9698哪隻較優質？
請問老師，你認為1686 ，9698那個優質度較高，更值得投資？謝謝。
理財個案（3）龔成老師分析︰新意網集團財務數據正面
新意網集團（1686）主要提供數據中心、設施管理、網上應用及增值服務，系統之安裝及保養服務。
行業長遠發展正面，佢已經做到全港最大，加上行業的需求不斷增長，對佢長遠都有正面影響。佢過往生意與盈利保持增長，財務數據正面。
萬國數據較有潛力
萬國數據（9698）有質素的。
佢的業務為開發及營運數據中心，根據佢公司提供的資料，佢係全中國最大的運營商網絡中立數據中心服務提供商。
見佢生意有一定的增長，行業前景正面，投資價值都有，但始終業務有不確定風險，同時受中國政策影響，唔建議太大注。
潛力上來講，(9698)會較(1686)為高，但(9698)尚在投資期，而(1686)已有穏定收入。
理財個案（4）讀者來信：點䏲電動車減價戰？
師父，點䏲電動車減價戰？
我們手上1211 是否要減持？
理財個案（4）龔成老師分析︰真正有技術的企業會取得更明顯優勢
隨住行内競爭越來越激烈，好多企業都涉足電動車行業，出現減價戰。
減價對商家來講，的確不是好事，但我始終相信只有擁有真正技術的企業，反而可以係這個汰弱留強情況下，獲得更明顯優勢。
我仍然會持有比亞迪
比亞迪(1211)可以説是這個行業的龍頭，而且同其他大型企業都有合作的計劃，最重要是他本身擁有優質的技術，這是他跑贏同行的優勢。
我認爲這場減價戰只是短期，未影響到企業的核心因素。我仍然會持有，不過你預股價一定會好波動，但如果你擔心，可以適量減持。
理財個案（5）讀者來信：1772下跌原因是什麼？
龔sir，想問下（1772）係因為鋰價格下跌所以導致佢不停咁跌？咩價位算係已經入左便宜區？
理財個案（5）龔成老師分析︰鋰價格下調有中短期的影響
鋰價格下調，對(1772)有中短期的影響，但未影響到核心因素。因為近期產品價格跌左，所以影響佢賺錢能力，相信短期仍有這情況，慢慢才會好轉。
此股仍有質素，是潛力股，但股價上落較大，要注意風險。
這企業為鋰化合物、金屬鋰及鋰電池等鋰資源生產商，業務涵蓋上游鋰資源提取、鋰化合物深加工、金屬鋰生產、鋰電池生產及鋰二次利用及回收。
贛鋒有投資價值
鋰資源廣泛應用在電池、化學品、藥品及新材料等。贛鋒客戶包括電池材料公司、電池製造商、化學品製造商、製藥公司及電子器件製造商。產品主要於中國、韓國、日本及新加坡等十多個國家出售。
贛鋒在行業處領導地位，加上行業處增長階段，可見這企業有一定的優質度，有投資價值。比較擔心是股價上落較大，同時股價會受鋰資源價格波動影響，成為投資者面對的風險。
最好用小注分注投資方法進行
因此，對承受風險能力較低的投資者，這股未必太適合。若投資者能承受風險，可考慮這股，但就避免在熱炒期或股價處貴的水平投資，最好用小注分注投資方法進行。
這股現價算初步合理區底，無貨可以分注資，並長線持有，但就要明白當中的風險。
更多理財個案、投資入門相關內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
