【理財個案】30歲女讀者自稱對股票認識不多，分析能力低，只有朋友教懂如何買賣。現已蝕15萬，想知舜宇光學可否再買入？現時剩7萬流動資金求指點迷津！
理財個案（1）讀者來信：30歲女對股票分析能力低已蝕15萬
你好，老師。我30歲，女 本身對股票認識不多，只有朋友教懂如何買賣，對股票分析能力很低，上年入左隻 0698.HK（0.3入，0.087放左），蝕左15萬左右，而之前一直都買開（2382.HK），請問呢隻股（2382.HK）仲可以繼續買入嗎？
流動資金剩7萬 求指點迷津
暫時我目標希望可以將蝕咗嘅賺返，有冇邊隻股票值得我去注意下？ 但目前手頭上流動資金只有七萬左右
望老師可以指點迷津
理財個案（1）龔成老師分析︰投資必需具有企業分析和估值能力
首先，要投資必需具有企業分析和估值能力，前者幫你找出有投資價值股票，後者決定現價是否值得投資。唔好只係聽日講就去買，如果你連股票做乜野生意、點賺錢、有乜優勢都答唔到自己，就要停一停，唔好投資住。
通達集團好波動
通達集團（0698.HK）唔係無投資價值，但始終質素只算是不過不失，當大市氣氛不好，這類股票會好波動。舜宇光學科技（2382.HK）有一定的質素。過往手機市場高增長，令佢鏡頭業務受惠不少，但近年手機增速開始減慢，你預佢增長力會變得較平穏。不過，手機市場又開始向好。
舜宇光學科技現價都合理
在長遠，無論是手機鏡頭，又或是各種鏡頭方面的應用，只會愈來愈廣泛，前景正面，不過，中短期可能會有少少波動。這股可以長線投資，現價都合理。不過，如果你本身有唔少貨，就唔建議再加注，以免太集中一隻股票，而造成風險。
選股可集中在指數ETF
其實作為投資初學者，我建議先從月供股票入手。因為你未懂定平貴，月供可以平衡這方面風險。選股方面，你可以集中在一些指數ETF，佢地係一籃子優質股票，分佈在不同行業，具投資價值外，也能分散風險。
用5成儲蓄做月供 對初學者最有利
現時你可以用每月先用5成儲蓄做月供，其餘先儲起等機會。當大市出現一定程度的下跌，就可以動用現金去投資，在平宜價加大力度掃貨，然後長線投資。相信這個模式，雖然唔係最賺錢，但對你這類初學者會係最有利。
必需再加強投資知識
但你要留意，上述月供方法，雖然可以幫助你在知識不多情況下，進行有限度的財富增值。但長線財富增值要做得好，必需再加強投資知識，提升選股分析和估值能力。令你可以因應市況平貴，自行制定入市策略。
建議你要多讀投資相關書本、年報
因此，我建議你要多讀投資相關書本、年報，新聞和報讀相關課程。書本上，你可以睇我寫的《80後千萬富翁》、《財務自由行》和《股票勝經》，都適合初學者。
另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。
理財個案（2）讀者來信：騰訊股價一直下跌
老師，想問下持有（0700.HK）分別在價位328，325及266買入，見這股一直下跌，有點怕，想問下老師意見，另外也持有（1024.HK）在58.8的股價購入，兩者都在下跌。
理財個案（2）龔成老師︰不要被買入價影響
首先你要明白一個概念，我哋持有一隻股票與否，關鍵位是企業質素、前景，不要被買入價影響。因為我地買股票就是買企業。如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
騰訊和快手都有投資價值
現時大市受這因素影響，通脹、加息、戰事、中國房產、疫情等因素影響，大市仍會偏弱。騰訊（0700.HK）和快手（1024.HK）都有投資價值，但前者監管風險高左，後者本身是風險略高類別。這2隻股票，注碼上都不宜過於進取。
更多理財個案、理財方法相關內容：
更多內容：理財個案｜83萬本金亂買股票！部分股價跌9成！越輸越多點做好｜龔成教室
更多內容：理財個案｜28歲男想創業開補習社！30歲女望放棄生意打自由工｜龔成教室
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
