【網民熱話】日前一名港男在討論區分享自己打工20年生涯的感悟,佢認為在職場上有「10不」,第一個「不」:「唔好同公司發生感情,大家雙方只係互相利用」已經直中紅心,講出很多打工仔的心聲!
【印度神童預言2022】4月28日再爆危機?加密貨幣、油價都有事?4大投資重點預警
網民熱話:連登仔打工20年有所感悟
一名港男日前在「連登」討論區以「返工生涯感悟:十個不」為題發帖,他表示,自己曾「前前後後打工打咗廿年」,現時「唔撈自己攪下副業好唔錯」並有所感慨!他認為,作為打工仔,在職場有10件事一定要記住...
職場10不:打工仔有10件事絕不能做
- 唔好同公司發生感情 大家雙方只係互相利用
- 唔好同同事發生感情 大家十成九都只係互相利用
- 唔好無償ot咁傻 你要上位係要有足夠時間自我增值 唔係做窮忙族愈做愈窮 如果有經濟需要就做住先唔好諗長做
- 唔好留係同一公司太長時間 除非你做到絕對絕對高層(唔係偽高層 尤其係銀行果d)先考慮下做耐少少 打緊風流工就當我冇講過
- 唔好乜都say yes 人哋只會愈得寸進尺 當你傻仔咁洗 有一次say no人哋會懷恨在心做死你
- 唔好介懷一時失意 冷靜面對努力改善總有出頭
世界上好多機會 - 唔好一朝得志就語無倫次 好易過身
- 唔好出盡風頭懶醒 自己工作範圍內就做 範圍外話知你死
- 唔好扯開自己真面目 四兩撥千斤好過惡言相向 職場唔需要傷感情
- 唔好讀埋d無謂課程 實戰經驗好過讀d垃圾野多多聲 如果係行內必需就當我冇講過
網民:打工要有港女心態
有網民回應指:「打工要好似come on james港女嘅心態,唔好浪費自己嘅時間同青春喺啲垃圾工度,見唔對路 / 加人工加得慢就要諗轉工」。也有網民和應表示,「都好同意,公司99%都無感情可言,同事就95%啦」、「1-5中哂,遞咗信之後先知所有同事都係載住面具做嘢懶fd,浪費咗我成年心機同時間」
綜合網友意見 再後補職場「6個不」
有網民認為,職場上「唔好做壞人 亦都唔好做好人」、「有得分先會落多少少力做 冇得分嘅hea吓hea吓又一日」。其後樓主集合網民的意見後,再修飾多加「6個不要」!有網民直言是「警世文章」,初入社會工作的打工仔必睇!究竟樓主後加的「6不」有甚麼?即睇!
【職場攻略】70%打工仔轉工失敗因冇遠見!80後女跳槽6次月薪2萬變14萬|教7招防被HR壓價
唔好做startup/港資公司
- 11. 唔好做startup/港資/要求員工奴性重/規模太細發展空間有限既公司
- 12. 唔好亂搞職場男女關係
- 13. 唔好長做架構混亂人事複雜是非小圈子過多d公司
唔好忽略每間公司的潛規則
- 14. 唔好避忌interview 你會從中收集到好多你本身圈子內唔知既情報 而呢d情報或多或少會對你對行頭/人事/公司style/等等了解加深 至於行頭窄唔窄而增減interview次數就自己調節
- 15. 唔好忽略每間公司嘅潛規則 好此寒戰梁家輝話齋 識係條線入面玩都係職場生存技能 當然如果潛規則係要你無償ot/發揮奴性/講求擦鞋/等等就真係你做埋我果份 間公司好打有限
工字一定冇出頭
- 16. 唔好覺得返工係理所當然而放棄自己興趣初心 因為返工係違反人性 興趣初心係合乎人性 你順勢而為一路堅持(工餘時間)會有意想不到既效果 不論金錢上/成就上/心理健康上 而且呢個dynamic又政治化嘅時勢工字一定冇出頭 亦冇話份工保你一世無憂 專業人士都咁話
網民回應:職場8個正面思維
樓主的「職場10不」引網民熱議,大部分網民深感認同,不過也有網民提出「職場8個正面思維」回應樓主,當中有些觀點亦不無道理。
- 公司俾機會你,做人要飲水思源
- 對同事一定要好,我為人人,人人為我
- 有得OT一定要OT,有冇補水都好,啲高層總有一日會賞識你
- 公司俾機會你,你辭職係忘恩負義,對公司一片忠心一定會有回報
- 人哋搵你幫手,點都幫,助人為樂嘛
- 多啲嘗試工作範圍內嘅嘢展示你嘅能力
- 做人要真誠
- 讀多啲書