【理財個案】夫婦要供樓每月2萬元,BB將出世要請工人,加上繼續要俾家用,家庭開支增加,感覺有壓力,離財務自由遠了!現只有10萬現金,點做可以增值?
理財個案|31歲夫婦搵得多使得多!還按揭負擔大如何財務自由|龔成教室
理財個案(1)讀者來信:夫婦要供樓、BB出世請工人增開支
龔成老師你好, 現在要負擔每個月供樓2萬(同先生一齊供),同即將小朋友要出世,又要請工人(而家請工人又比以前貴6,000個月)同要比家用屋企人,感覺有啲壓力,一直想財務自由感覺又距離遠左,自己月薪4萬中,由於開支大咗,儲到錢能力下降,感覺有啲擔心,現時手上現金得好少,10萬左右。
現時持有股票:
股票代號 | 數量 | |
0270.HK | 8,000股 | 12.12元 |
0700.HK | 100股 | 552元 |
0823.HK | 600股 | 62.3元 |
1177.HK | 2,000股 | 7.5元 |
1810.HK | 600股 | 22.75元 |
1830.HK | 12,000股 | 4.55元 |
3067.HK | 500股 | 15.6元 |
買樓後無錢再買股票
由於舊年買入物業,現在沒有資金再入股票,想問老師手上持有嘅股票質素已改變,要沽出作調動更改,同埋現時情況係咪改月供股票例如盈富較好?或者其他推薦?點樣做到一邊養育小朋友又可以同步財務自由進發。希望疫情快過等老師嘅澳門班好耐了,祝老師身體健康!
理財個案(1)龔成老師分析︰現持股票要留意2點
你現時持有股票,都係有質素,唔話特別去做調整。不過,你要留意2點。
- 第一,完美醫療(1830.HK)不確定性少少高,長線不宜持有太過多。
- 第二,你而家太偏重左係潛力股(0700.HK , 1177.HK , 1810.HK , 1830.HK , 3067.HK),佢哋雖然有增長潛力,同時風險都較高,不宜持有過多。
潛力股可佔約5成 令組合更平衡
以你年紀,潛力股可佔約5成,餘下應用以下平穏增長股。若你投資經驗較淺,潛力股比重,要再調至3成以下。到你學到一定投資知識,才慢慢調高。未來時間,你就要加大翻平穏增長股部份,令組合更平衡。
10萬建議先留作應急用
至於現有10萬,我建議你先留作應急用,或者等大市有明顯回調,才去入平貨。現時全球經濟受疫情影響,有好多不確定性。你現時增值方向,大致係正確。這段時間,先用這個方法去做。同時間,你可以再找方法增加收入,去加快你財富增值效果。
理財個案|43歲未婚剛辭職!想將自住樓出租、與同住母親齊搬到澳門過活|龔成教室
理財個案(2)讀者來信:後生仔想學「借錢投資」
想問一下,老師您課程會不會教「借錢投資」做一啲融資去買股票,以獲得更高回報?
我想趁後生,進取小小
理財個案(2)龔成老師分析︰借貸投資風險大 易「賺息蝕價」
課程都會講少少,但唔會太多。因為始終風險較大,加上現時大市未到好平,用借貸投資風險唔細。借貸創造,表面上無本生利,但實質有風險的,你負債增加,風險會增加。另外,如果你投資的股票不幸股價下跌,你就會出現「賺息蝕價」,對你不利。
趁年青 用少少槓桿亦可
同時間,如果日後加息,又或你收息股的派息減少,都會令你得到的息差回報收窄,你的回報會減少。當然,你還很年青,用少少槓桿唔係唔得,但就要明白當中風險。
理財個案(3)讀者來信:62歲仍有工作 想繼續投資
想請教下我現时62歲,仍有工作,資產分配如下:
- 現金(港幣19% + 外幣18.9%):共37%
- 樓:40%
- 基金: 21.3%
- 儲蓄保險包括債券:3.3%
- 股票:2.1%
每月有15,000元租金及收息基金,現時疫情、環球經濟、打仗,未來我應該如何部署?本人對投資有期望,但回報欠佳。
理財個案(3)龔成老師分析︰建議財富組合要更多元化
其實我哋創建財富組合,係用長線作目標。戰爭風險係會影響股市,但只係中短期因素(除非世界大戰),所以最重要係你組合資產有無質素,和是否適合你年紀。你現時組合,股票類明顯較少。
建議你慢慢加大這部份,令你成個財富組合更平衡,更多元化。而選股方面,就用我之前教你的收息股作目標。現時大市只在合理區,入貨要慢慢分注進行。
理財個案(4)讀者來信:求教股票數據分析
Hello龔成 你好。想問下一隻股票有好多數據分析,例如:市盈率 市淨率 成交量 成交額 總股本 流通股 股息 等等......
你覺得最重要 睇那幾個指數?
理財個案(4)龔成老師分析︰3種估值方法有難有易
要計企業的價值,過程比較複雜,好難三言兩語就講到,就算在我的股票班,都要講5小時,裡面會講3種估值方法,有難有易,但同學都用到的。簡單來說,你要考慮企業的生意、盈利、現金流、資產、負債等財務數據,同時要比較行業,考慮這企業的經營情況,之後的環境又會如何。這都是計算的基礎。
要深入計算分析財務數據用比率
例如,我地會考慮佢有多少生意,有多少盈利、現金流,有多少資產,從而計算該業務值多少錢,同時會推算將來的盈利情況,去推算這企業長遠的價值。如果要深入計算,基本上要好仔細的研究企業,要分析好多財務數據用比率,先至有較完整的答案。
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。