【理財個案】30歲打工仔收入微薄！既無遠見，又無理財觀念，現時只有5位數積蓄「覺得好危險」，想請教儲蓄計劃是否適合，另有何投資是用複利息回報？
理財個案｜43歲未婚剛辭職！想將自住樓出租、與同住母親齊搬到澳門過活｜龔成教室
理財個案｜讀者來信：30歲打工仔收入微薄 唔識理財
最近一口氣買左好幾本您寫既書，「80後系列」、「50收息潛力系列」。令我對金錢嘅觀念頓時唔同曬。我係一位90頭，步入30歲讀者，我白白浪費咗人生裡最寶貴階段，而家打份微薄牛工，得5位數積蓄，又無一技之長，要怪就怪自己成熟得太遲，無遠見，無理財觀念，無打算，好食懶飛，實在非常非常之後悔。
想開始學習投資
自己唔想再咁樣過埋下半世，覺得好危險，30年人生根本空白一片，活到毫無價值。先醒覺真的要為將來好好計劃一下。睇緊你80後百萬富翁，令到我對金錢有莫大改觀，從中獲益良多，將重要既內容都貼label，瑩光筆劃起反覆重溫。希望而家開始學投資唔會遲，運用你分享嘅投資心得，好好學習投資這一課。多謝您。
有咩投資係用複利息嘅回報？
亦想請教您，對保險推薦儲蓄計劃，其實值得考慮嗎？打個比如，一個月存1000，存20年後可攞一筆錢這種，其實係怕佢哋用文字藝術導致最後拿不到錢，以及這筆錢變成長期被綁死資金。另外，亦想請教有咩投資係用複利息嘅回報的？多謝指教。
理財個案｜40歲職場上不如意！想靠現時積蓄月賺2萬元唔再返工｜龔成教室
龔成老師分析：投資優質股可複利息回報
首先，多謝你對我著作的支持！你現在才不到30歲，其實係財富增值路上，算係年青。只要你認真學習，用正確方法去一步步增值，相信都會有唔錯效果。你所問的複利息回報，其實投資優質股就可以做到這個效果。原理就是將派出股息，累積到一定數量，就再買入優質股，即係將賺到的現金，再投入進行增值。
投資「平穏增長股」和「潛力股」
至於無股息企業，唔代表做唔到。因為佢會將相關資金，重新投資在企業發展，都可以做到複利效果。雖然你現時投資知識不多，但你可以先用月供方法，去邊累積財富，邊學習投資知識。策略上，你可以投資「平穏增長股」和「潛力股」。你每月5成儲蓄做月供。其餘先儲起，用一邊月供一邊儲蓄的策略。
潛力股最多維持2-3成
由於你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。到你將來有一定投資知識﹐潛力股比重可以相應調高，佔組合約3-5成，視乎你當時投資知識多寡和了解這些股票程度而定。
一半現金等機會掃貨
餘下的另一半現金，我哋就等機會，當大市出現較大回調，就加大力度掃貨，然後作長線投資。至於「保險」，主要係用來防守，買足夠保障就可以。儲蓄成份的保險，唔係唔可以買。如果你個人風險承受能力好低，或者完全無投資能力，這類保險都有持有價值。
應集中投資在優質資產
但始終係財富增值角度，佢幫助好有限，一般我都就唔建議太多。做財富增值，應集中投資在優質資產（如優質股、物業等），效果才會理想。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
