【理財個案】34歲女讀者原本月入3萬但剛裸辭。她自認處理財務蠢，脫歐時買的英磅勁蝕，約有20萬股票，擔心未來一年未必夠錢能月供股票或儲錢，求意見。
理財個案｜32歲月入25K、大部分用來還賭債！如何能谷底翻身？｜龔成教室
理財個案｜讀者來信：34歲女唔識處理財務
龔老師你好，一直都有睇開你的Facebook 及YouTube, 最近還有睇你的書，不過自己在處理財務這方面實在很蠢，所以寫信求指教。本人已經34歲，有90萬在銀行，其中有25萬在英國投票脫歐時買入英磅，現在蝕到乜咁？另外有大約20萬買了一些股票、有舜宇光學（2382.HK）、騰訊（0700.HK）、中移動（0941.HK）、六福（0590.HK）等等。其他為現金。
剛辭職 擔心唔夠錢再月供股票
依家剛剛因對公司不滿辭左職，月入本來3萬。之後未來半年至一年應該搵唔番呢d錢，未必能月供股票或儲錢。我想問下我呢個咁case我仲可以做d咩？股票 / 英磅 / 現金係咪應該重新分配？
理財個案｜37歲有3個物業、近日失業想直接靠被動收入提早退休｜龔成教室
有公屋 預計買唔到樓
覺得自己將來唔會可以靠男朋友 / 老公，亦相信唔會有小孩老咗可以供養自己，亦都買唔到樓因有公屋。好想放棄人生，但未放棄前想睇下仲可以做啲咩。謝謝老師。
個案重點：
- 34歲，剛辭職
- 45萬現金，25萬英鎊
- 20萬股票
- 未能存錢或月供股票
重點目標：
- 手上資產如何重新分配
- 如何翻身
- 重新找工作
龔成老師分析：先要做3件事
你唔需要放棄人生，因為這刻可能是你人生的突破點，每當我哋地遇到一些大難關時，往往是最大突破的時候，如果一切如常，你就唔會有進步！比起理財，你要變得積極，你要做3樣嘢：
- 第一，做運動，保持身心健康，保持積極性，
- 第二，自我提升，你這刻是學習的最好機會，無論是睇書、上堂，你都要盡力吸知識，這是你的突破點！
- 第三，尋找工作，除非你打算做生意，否則，這刻先找到工作先，令你每月有基本的現金流，否則會用盡你的儲蓄。
現持股票有質素可長線
至於你的財富，記住，我哋繼續持有一項資產與否，最重要是分析質素、前景，買入價只是心理因素。現時你持有的股票，基本上都是有質素的，可長線。英磅你賣出一半先，餘下持有，股票可以持有，其實這些股都有質素，但你不懂分析企業平貴，所以你之後要好好學習。
34歲仍是財富增值黃金時期
其餘的暫時不用改變，等你有收入，就可以開始用現金，分注投資優質股，暫時你持有的現金，不建議動用。你34歲，仍然是財富增值的黃金時期，之後點發展，就睇你自己！
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
