【理財個案】32歲讀者月入25K，原本打算一年後與女友結婚及計劃移民，奈何貪搵快錢賭博十弓結果大部分用來還賭債！如何能谷底翻身？
理財個案｜讀者月入21K、月儲8K！組合中部分股票變蟹貨點算？｜龔成教室
理財個案｜讀者來信：32歲月入25K、大部分用來還賭債
Hello龔成，其實我都唔係太認識你，但純粹facebook成日見到你啲post所以知你都好識投資。我今年32歲，現時月入只有25k。我本身打算年1年後同女朋友結婚，同埋去移民，但最近因為起貪念想賺快錢，所以去咗賭錢結果欠落銀行債XX…
好絕望、看不到前面出路
我真係覺得好絕望同埋睇唔到前面嘅出路…諗過好多次想game over，但係都係放唔低我父母同埋我女朋友…我身邊同我同齡嘅朋友已經喺度講緊投資，或者最低限度都已經進入咗佢哋人生嘅大直路，而我唔單止輸在起跑線，仲要輸人地負錢的距離。
如何能谷底翻身？
我雖然冇學過投資，但係都知時間就係投資上面最大嘅金錢，見到而家年近三張嘢搞成咁，我真心覺得我呢世人已經冇晒翻身嘅機會，我唔似得啲勵志嘅故事，有啲乜嘢特別嘅技能可以創業或者點樣翻身，所以呢刻我真係絕望到一個點…
大部份拎都需要用來還債
其實我呢個情況係咪真係已經完全冇機會可以再翻到身，因為我知道投資需要好大嚿本金，而我而家呢個情況下嚟緊亦都唔會儲到好多錢，因為大部份拎都需要拎嚟還債…而且移民要開支…我已經唔知我實際上仲有啲乜嘢可以做到。
理財個案｜37歲有3個物業、近日失業想直接靠被動收入提早退休｜龔成教室
龔成老師分析︰好多天才都並不聰明
首先，你唔好以為勵志故事背後的人，都係天才或者本身勝在有特殊技能。我可以話比你聽，佢哋99%都係同你一樣，係一個普通人，甚至起點比你差好幾倍！但因為佢哋唔放棄，而且非常努力去提升自己，才獲得成功。
別人看來是天才，但好多天才並不聰明，只係佢哋係背後默默咁努力時候，無人看到。
人生計劃可能要有所調整
所以，你唔好覺得自己唔會係勵志故事主角，只要你相信，你就會成就到自己。你還很年青，坦白講，你負債數唔係乜野巨債，係有得翻身。
不過，你要先跟家人和女朋友商量，因為你們人生計劃可能要有所調整，或者需要推遲少少。你現時要做，就係先清還好負債部份。
負債轉低利息計劃 再慢慢清還
如果這個負債係屬於息率較高項目（如咭數），我建議你先想方法，將佢轉去較低利息的計劃，才慢慢清還。至於投資，我建議你先學習，後進行。因為你現時情況，就算不計負債問題，你也有好多短期開支要用，所以資金應先去處理好這些實際需要，再有閒錢才去考慮投資。
人生與投資都不需與別人比較
你唔好諗話朋友都開始投資、人哋已經有D乜，自己遲晒。其實，你係唔需要同別人比較。無論人生也好，投資也好，都是一樣。你就是你，對手就只有你自己。建議你先跟家人商量，處理好債務問題和人生計劃部份。到這些問題都解決好，才再想投資吧。
困局係可以走出去，但你要預係一步步咁進行，唔會一下就解決到所有問題。但只要方向正確，你就會一步步走向你想的生活。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
