經常聽見未買樓的朋友說…香港樓價咁貴，實買唔到啦！我人工咁低，實儲唔到首期啦！實過唔到壓力測試，借唔到按揭啦！
總之就是…做唔到、做唔到、做唔到！
【香港樓市2022】港九屋苑樓價帶頭跌！黃埔花園、太古城跌超過半成！海怡半島爆蝕讓見紅｜附最新減價成交
香港樓價咁貴，實買唔到啦！
又經常聽見已經買樓的朋友說…我已經買咗樓冇晒名啦！我已經借爆晒啦！冇可能再買到樓啦！冇可能財務自由啦！返工罷啦！
總之就是…冇可能、冇可能、冇可能！買樓還好，買樓投資是相對容易的事，如果你跟朋友講創業、講理想、講裸辭，更加一盆盆冷水照頭淋！
財富理論：跳蚤效應（Fleas Effect）
怎麼會做唔到呢？怎麼會不可能呢？不是很多人都做到了嗎？是甚麼限制了我們呢？阻礙我們財務自由呢？今天想分享一個財富理論—跳蚤效應（Fleas Effect）！跳蚤的彈跳力非常強勁，幾毫米的身體，可以跳到1.5米高，相等於一個人跳到300米，然而這種潛力很容易被抑壓。
【香港樓市2022】樓價仲未跌完！嘉湖山莊劈價134萬沽、呎價失守一萬
自己框死自己
話說有科學家做了一個實險，將跳蚤放入玻璃杯，起初跳蚤很輕易就跳了出來，後來科學家在杯上加了一個蓋，令跳蚤每次跳高都會碰到頭，只能跳到杯蓋的高度。大約一星期後，科學家拿走杯蓋，奇怪的事就發生了，跳蚤還是跳到杯蓋的高度，無法再跳出來！
跳蚤不能跳出來，不是自己的能力問題，而是麻木了、適應了…自我設限，自己框死自己！越係害怕失敗，就越會導致失敗！
生活上，很多人都像杯子裡的跳蚤一樣，自我設限！
有些人自我設限，是因為過去一些不愉快的經驗，例如我認識不少前輩，很多年前已經開始買樓投資，然而經歷了97年一役，輸得很慘，從此就覺得買樓投資很危險，不敢再買。又例如老爸老媽那一代，經歷過按息20多厘的年代，供樓很痛苦，於是就覺得借貸很恐佈，會令自己萬劫不復。有些人自我設限，是因為身邊朋友、媒體的催眠，例如媒體、朋友個個都說買樓難，都說在香港買樓要不吃不喝廿多年，聽聽吓就會信以為真。
當年我決定裸辭創業的時候都是一樣…
有朋友說…冇人做過喎，死梗啦！又有朋友說…好多人做喎，你邊夠人爭呀，死梗啦！當年就是在幾乎所有人反對的情況下創辦了今天的1%，開創了買樓投資教學。也難怪的，香港的教育，是責備式的教育，老師家長都喜歡說…咁做唔啱，咁做係錯，你應該咁樣做嘛，做人要腳踏實地，我都係為你好咋…
培養3個習慣突破上車限制
要突破這個框框，有幾個習慣要培養。第一，不要自我設限；第二，要主動多認識積極的朋友及伙伴；第三，要學會計算風險，凡事都要有後備方案；這樣你就不會再怕輸了，就敢突破了。講番文章一開始的買樓，未買樓的朋友，點會買唔到？大把年青人買到樓上到車！已買樓的朋友，點會冇方法突破？
實試多次於年尾買到筍盤！香港樓市過年後例升！買樓要把握入市時機｜第一桶金
戒掉失敗者的語言
很多年前我們已經進軍大陸樓、工商舖，到近年開始收購重建，不是突破了人名及借貸的限制嗎？不要老是跟自己說…做唔到、冇可能，戒掉失敗者的語言，要多說…有得諗喎！點先做到呢？這篇文章在我們的Youtube頻道有詳盡影片版，歡迎瀏覽。
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
