讀者來信：Anthony Sir你好！最近見到好多小市民湧去新界北買新樓，價錢都唔平啊，值得嗎？反而見到發展商天價搶中環地，會唔會應該唔好太俾市場影響，返去市區尋寶呢？我見市區最近都平…
居屋供應｜逾3000伙須延期完工｜料今年沒有新一批出售，最快要等2022年
回覆讀者來信：小市民湧到新界的新發展區
挺有趣啊！正當無數的小市民湧到新界的新發展區，以高價搶購洪水橋的新樓盤的時候，最富有的資深投資者及發展商就以天價搶購市區的優質地段，你信那一邊的眼光？
先講小市民那邊，正如前文所說，自從政府提出北部都會區計劃之後，市場的焦點都轉移到那邊，洪水橋的新盤以高溢價開盤，仍然大排長龍賣個滿堂紅，首批均價都已經要1.6萬，部份優質單位呎價更高見2萬！
一個20年的大計
施政報告剛剛提出而已，只要願意花時間入去走一趟就知道，乜都未有！又要收地又要發展，特首自己都說是一個20年的大計，成日都聽人講話…人生有幾多個10年，現在是20年啊！現在就衝進去？樓盤仲要唔近西鐵線，仲要開出高溢價，咁都搶？
幾有信心要坐貨一段頗長時間
學員們問我意見的時候，我都會如實回應，都幾有信心…要坐貨一段頗長時間！幾百萬買層樓…點解唔願意花時間入去行吓呢？點解唔願意學習吓、比較吓呢？
憧憬沙中綫通車+校網吸引！料馬鞍山樓價2022年升半成！5個區內龍頭屋苑點評
大圍站上蓋柏傲莊都唔使呢個價
都未算最誇張，筆者覺得火炭新盤更利害，後期呎價逾2萬，仍然大賣！有代理打來叫我去抽，又話北部發展好勁云云，仲話值2.5萬必賺！心諗…咪玩啦！大圍站上蓋柏傲莊都唔使呢個價，如果眼明手快，呢個價連啟德都買到，這裡呢？火炭、工廠區、內房、剛到本地發展…那裡值呢？這個代理的名片…掉了！
資深投資者及發展商搶市區靚區
與此同時，資深投資者及發展商搶市區靚區！先看買家，黃竹坑站上蓋的揚海呎價逾3.5萬，幾個小時就賣光，當中不乏名人，包括地產界的名人親屬。除了這個新盤，同期又有很多資深的企業家、投資者買入優質地段的豪宅，之前有場LIVE跟大家分享過，不贅，有興趣可以到我們的Youtube頻道重溫。
恒地以508億購入中環商業地王
到發展商了，地產界非常轟動的新聞，恒地以508億購入中環商業地王，打破之前高鐵上蓋420億的舊紀綠！身邊有些朋友問，不是發展北部都會區嗎？…睇完上文你都應該明白，雖然我都相信北區都會區將來發展會唔錯，但始終是廿年後的事，況且即使發展得再好，都只是CBD3，都不能取代核心位置，只是發展商及代理的宣傳吧了！
小市民先會盲目高追
小市民先會盲目高追，資深投資者包括我們的學員都不會就範，其實你睇睇企業的佈區就知道，國際頂尖企業總部始終落戶中環、西九龍，支援部門或二線企業很多會選址東九龍，北部都會區即使發展理想，定位是兩城三圈中港融合，是創科園、中港企業的基地，定位是不同的，是有差別的。
應趁市場焦點有偏差在市區尋寶
所以如果醒目投資者，如果見新發展區價錢唔平，絕對唔應該盲目高追，反而應該趁市場焦點有偏差，在市區尋寶，例如沿着發展商的軌跡，港島區、東九龍、西九龍等等，都是有真正價值的地方，相信政府都唔想施政報告會成為炒作新區樓價的借口！
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
