【理財個案】讀者用「水桶投資法」買11隻港股+3隻美股,怕自己的股票組合比例太多,想知如何維持組合的平衡性,也想知其中兩隻美股是否可長線?
理財個案|40歲每月用6千元買港股美股、現金得1萬求投資建議|龔成教室
理財個案|讀者來信:用「水桶投資法」買港股美股
龔老師,我股票組合的比例會否太多,好像多左少少,有咩要改?睇咗你POST FB文章都講咗最好15隻,點樣維持組合的平衡性才對?分析了AAPL同MSFT請問佢哋可以長線?
水桶1
股票 | 數量 | 買入價 |
騰訊 0700.HK |
100股 | 436元 |
小米 1810.HK |
200股 | 21.65元 |
快手 1024.HK |
100股 | 88元 |
阿里巴巴 9988.HK |
100股 | 162元 |
安碩恒生 3067.HK |
100股 | 13.83元 |
水桶2
股票 | 數量 | 買入價 |
恒地 0012.HK |
1000股 | 35.9元 |
粵海 0270.HK |
2000股 | 10.6元 |
金沙 1928.HK |
400股 | 28.5元 |
中國平安 2318.HK |
500股 | 65.85元 |
VOO | 3股 | 月供 |
APPL | 1股 | 月供 |
MSFT | 1股 | 月供 |
水桶3
股票 | 數量 | 買入價 |
建行 0939.HK |
1000股 | 6.13元 |
另外有一隻高風險股正在蝕7,500元
水桶3的 939.HK 不用理,長期持有但不會再第二隻買收息股因不適合我年齡,另外有一隻歐科雲鏈(1499.HK)屬於高風險股(2手)而家蝕咗7,500元,將會減持或沽出。資金比例合適嗎?需要改變比例嗎?
本打算想買(1177.HK),老師,有一個不明白的地方10%,15%至30%等於5手?10手?點計數?買咗你的書,用消費券。
元宇宙商機懶人包|元宇宙概念、港股投資機遇、前景發展一文看清|龔成教室
龔成老師分析︰個別行業不要佔組合30%以上
先多謝你支持我的著作!其實所謂股票組合平衡,就是指唔會太偏重個別股票或者行業。個別企業和行業,不要佔組合15%和30%以上,銀行業更加不要高於組合20%,否則會有過度集中性風險。(盈富由於係一籃子組合,故不受此限。)
長線你要參照這指標
在創建組合初期,組合金額較少,出現超標都係可以接受。但長線你要參照這指標,去維持組合的平衡性,才算理想。而這個%,唔係講緊幾多手,而係你該隻股票,佔你持股的比重作計算。例如你組合持股加起市值100萬,當中的阿里(9988.HK)值20萬,即是阿里佔你組合比重為20%。由於個股佔比大於15%,即出現過度集中情況。
持股數量最好維持約10隻
不過,超標唔代表一定要沽貨。如果唔係超好多,而隻股票又有質素,你可以暫時唔加注住,等組合比重平衡翻,才再重新加注。至於持股數量,以你金額作例,最好維持10隻左右,太多你會好難定期去檢視佢地質素。你現時持股和月供配置上,選股都有質素和適合你。
APPL和MSFT有一定波動性
但留意APPL和MSFT都係較接近水桶1多,有一定波動性。另外快手(1024.HK)不確定高,暫時唔好再加注。雖然選股有質素,但你有一點要留意,就係你現時好集中係科技股類。基本上你成個水桶1的港股和美股,都係科技股,有過度集中問題。
月供變隔月供 修正投資組合
你月供可以維持APPL和MSFT其中一隻,若想保留2隻,就由每月供變為隔月供(如1月供APPL、2月供MSFT,3月再供翻APPL,如此類推。)目的係空出一些資金,去投入科技股以外的平穏增長股,去慢慢修正翻個組合比重。
中生(1177.HK)都係一隻有質素水桶1股票,現價在合理區中至上部,可以入首注。
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。