理財個案】40歲讀者每月可用6,000元月供及投資港股美股、現金得1萬,見近日美股升唔少 (入唔落手),港股相對跌唔少,但又未有心水,求教投資建議。

元宇宙商機懶人包|元宇宙概念、港股投資機遇、前景發展一文看清|龔成教室

理財個案|40歲有投資港股及美股

龔成老師你好,今年先從FB認識你,多謝你的分享,很有啟發,尤其是講解月供的部份。唔識投資,所以第一次買股票就係用月供(2382.HK),2018年底開始,供咗2年,有2手多啲,均價$110。

21年頭見到升過$200,即刻放晒,賺咗差價,跟住心雄,就拎呢筆錢去左買右買,當然蝕返晒,後悔,最後又再用$182均價入返(2382.HK),希望長線,今次升浪都無賣過,因為怕買唔返..... 

今次想請教老師個倉美股同港股的分配:

今年5月再開始港股月供 (@$1000/隻):

理財個案|新移民婦持52萬股+22萬現金!與夫財政獨立、想5年賺200萬|龔成教室

港股現值$14萬:

股票 數量 買入價
2382.HK 舜宇光學 300股 182元
9988.HK 阿里巴巴 100股 262元
0005.HK 匯豐 400股 65元
3134.HK 南方太陽能 1000股 9.05元

美股現值US$9千幾(希望持貨最少3年):

股票 數量 買入價
TSLA 4股 768元
FUTU 40股 130元
PLTR 30股 25.5元
AMAT 11股 131元
LU 10股 15元

現金得1萬 每月用6千投資求建議

現金大約$1萬,每月可投資連月供可投入$6000,就40歲,眼見美股升唔少 (入唔落手),港股相對跌唔少,但又未有心水 (想觀察政策同經濟方向). 想請教老師,我應該放多啲資金 (儲蓄或賣港股) 去美股 (因為對3D打印,網絡安全相關的企業有興趣)?

投資組合是否夠平衡?

仲有想問以上組合夠唔夠平衡? 手上仲有名牌包包,牌子加價後二手價都升唔少,現值9萬,估計未來二手價會再升,想問吓呢類當唔當資產?還是我要將佢產生額外價值,如出租,先可以當資產? 

多謝老師!

理財個案|讀者認同價值投資法|惟遇上港股跌市感沮喪!求指教|龔成教室

龔成老師分析︰投資要耐性

你過往賺差價的做法﹐係好多初學者常犯錯誤。記住,投資係要耐性,我地著眼點唔係個差價,要係企業長線發展的升值潛力,所以一隻好股票,一定要長線持有,才會有理想增值效果。當我哋對投資未有太深入了解時,儲貨用月供,之後長線持有,會係較理想做法。因為你定平貴能力和經驗都較弱,好易出現你所講的情況。

舜宇光學有質素可長線

舜宇光學科技(2382.HK)有一定的質素,過往手機市場高增長,令佢鏡頭業務受惠不少,但近年手機增速開始減慢,你預佢增長力會變得較平穏。不過,手機市場又開始向好。在長遠,無論是手機鏡頭,又或是各種鏡頭方面的應用,只會愈來愈廣泛,前景正面,不過,中短期可能會有少少波動。這股可以長線投資,你現貨照長線持有就可以。

比亞迪現價偏高 暫不宜月供

以你40歲計,你現時月供和持有股票,都係適合,但要留意其中2隻。比亞迪(1211.HK)現價已經係偏高,暫時不宜月供,最好等回到$200才考慮。你可以用GX中國電車(2845.HK)或者其他優質股,去暫時取締佢。

Palantir Technologies Inc (PLTR)業務主要為商業部門和政府部門構建軟件平台。商業部門為非政府行業的客戶提供服務,政府部門為美國聯邦政府和非美國政府機構的客戶提供服務,專為國防和情報機構分析人員設計。這企業業務有一定獨特性,政府客戶來頭都不少,CIA、5角大樓都是其客戶之一。

見佢營業額一直有上升,但問題是銷售和研發支出,增幅都唔少,令集團依然處於虧損狀態。而何時轉虧為盈,而個就無人知。此股都有投資價值,但不確定性偏高,只宜小注。

現時港股只在合理區

現時港股只在合理區,而美股更在合理區頂至略貴水平。你現時持貨已佔組合大部份,所以餘下現金,最好等大市有明顯回調,才用來入平貨。至於入港股定美股,你可以因應當時股價平貴,和你對這些股票的認知程度去決定。

無研究名牌袋

而名牌袋這類產品,我自己無研究,唔知佢升值潛力係點。若佢可以創造現金流,長線又有升值能力,都可以視之為資產。但名牌袋個版本過氣,或者變得老舊,相信個價值跌幅會較大,未必係一個理想的資產項。

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。