【理財個案】新移民婦自言喜歡儲蓄,並與丈夫理念不同及財政獨立,現持有52萬股+22萬現金,想知現時投資組合是否可實現5年實賺到200萬元?
理財個案|讀者認同價值投資法|惟遇上港股跌市感沮喪!求指教|龔成教室
理財個案|讀者來信:新移民婦喜歡儲蓄
老師,多謝之前回覆。我冇做生意,係實實在在的打工仔,現在我講下我的家庭背景吧,先生和兒子三人家庭,我係一個新移民,係香港生活着16年,係這16年里,可以話甜酸苦辣都經歷過,我係比較喜歡儲蓄,揾十元丁都要儲起一元的人,我先生係香港長大,佢的思想理念同我完全唔同,佢喜歡吃喝玩樂,活在當下的月光族。
今年理財目標 五年賺200萬
唯一慶幸嘅係大家都會將小朋友擺第一位,阿仔亦冇令我們失望,大考取得高分入讀大學,每年都有奬學金,好開心,哈哈,我亦買了老師的書送比佢,佢都贊老師的作品寫得好,仲話遲的抽時間報讀老師課程。
老師,多謝你,令我對股票重拾信心。今年定着個目標,每年儲20萬,五年目標200萬,可以嗎?
與丈夫理念不同 但財政獨立
我和先生理念不同,但是財政獨立,2008年開始係中銀月供基金(中國南商股票基金)2014年停供及股票3,5,144供至2014年這幾年係純供不賣係有錢賺的,正因為先生不理財,所以我要加倍努力,儲到一筆後,開始係市場跟風炒賣,虧損一半,當時真係有的懷疑人生......
重拾對投資股票的信心
離開股市3年多,直至2019年6月係書局見到老師嘅80後百萬富翁,書本內容豐富,正面,正能量,著重長綫投資,唔似其他股評人咁只係教人短炒。去年5月報讀老師課程,學到好多投資知識,重拾番對投資股票的信心,可以話改寫我的人生,現在股市下跌,沒有以前那種恐懼感,反而有種開心的感覺,心目中的股票跌得太少,哈哈。
理財個案|銀行買基金孖展有16%息買得過?有60萬求投資建議|龔成教室
年初曾變動倉位
老師,這半年裡,因阿里巴巴監管事件和疫情關係公司裁員(慶幸自己可以留底),另外自己身體有點不適,想留多的現金,係3月開始變動了倉位。
月供股票
現時持有股票:
七月開始買入部分股票,現有股票大約52萬,持有22萬現金。
股票 | 數量 | 平均買入價 |
1177.HK 中生製藥 | 3697 | 7.1元 |
9988.HK 阿里巴巴 | 100 | 216元 |
3067.HK 安碩恒生科技 | 1000 | 13元 |
0003.HK 煤氣 | 4667 | 11.78元 |
0012.HK 恒地 | 3082 | 35.2元 |
0066.HK 港鐵 | 631 | 43元 |
2388.HK 中銀 | 1978 | 25.6元 |
2800.HK 盈富 | 1898 | 26.48元 |
3918.HK 金界 | 6000 | 8.11元 |
1928.HK 金沙 | 2000 | 18.9元 |
1212.HK 利福國際 | 4000 | 6.08元 |
0005.HK 匯豐 | 254 | 長期收股息 |
0144.HK 招商局港口 | 1864 | 長期收股息 |
一年儲20萬 5年目標200萬
股票數量過多嗎?下次加倉應該加邊的?
有點囉嗦,唔好意思,麻煩比的意見,唔該老師。有點不清析,我已扣除應急錢,我分兩個銀行戶口,一個出糧,一個淨係投資,一年儲20萬,加現有股票,五年目標200萬可以實現嗎?Thanks !
龔成老師分析︰
很高興我的書和課程,可以為你帶來正面改變。但緊記課程完結,才是一個開始。投資要做得好,係要不斷學習,努力增值自己,才會做到。你現時月供組合,質素上係無問題。但我地投資除左要嚴選優質股外,都要顧及組合平衡性。任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。
單一企業不要高過15%
因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。
地產股類佔比有點高
月供方面,恒基(0012.HK)是地產發展商,而港鐵(0066.HK)從佢業務計,都係半隻地產股,因此你地產類佔比,係有點過高。建議你下調少少佢的月供金額,你可以用來投資其他股票,或者加入指數基金當中,都係可以。而持股組合,同樣質素上無問題,都唔算太多隻,其實維持10隻左右就可以,這樣有利於你定期審視佢地質素。
年近50歲投資策略要開始保守
但由於你將近50歲,投資策略要開始保守少少,增值係可以,但潛力股(1177.HK , 3067.HK , 9988.HK , 3918.HK)就不宜持有太多,大約佔組合兩成就好了。特別係金界控股(3918.HK),佢雖然有質素的,但始終新興市場,因此點都有風險,故在注碼上不宜太進取。
22萬等大跌市入貨
現時大市在合理區,持有22萬就等大跌市,才用來入貨。目標會係一些平穏增長股和收息股。我假設投資回報有10%(連股息再投資),你每年投資$20萬 + 現有資產74萬(股票和現金),5年後大約會增值至240萬,故這樣安排相信很大機會達至你的財務目標。
作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。
免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。