理財個案】讀者講明自己唔怕高風險!準備股災時用15萬買4隻股票,想請教資金分配比例?想等股票升後再用150萬購買5隻收息股

理財個案|想搵長線收息股投資!再趁阿里巴巴股價插水博唔博?|龔成教室

理財個案|讀者來信:準備股災時用15萬買4隻股

hi成哥,我打算在股災時動用15萬買這些股票:

我不怕高風險,點睇這組合?

另外,等股票升晒之後打算用150萬購買這些收息股:

Sir,這組合如何?應該點分配資金?

禹洲集團點解咁高息?

再另外想問下(1628.HK)點解咁高息?高息既背後有咩風險?現價1.68,但PE有成1566,姐係好貴?再問下尼隻野收息穩定嗎?佢長期都係咁高息?幾錢是便宜區?

謝謝成哥解答!

龔成老師分析︰唔好盲目追求高增長

我哋投資,唔好盲目追求高增長,要先知風險,才想增值。我明白你風險承受能力好高,但你這4隻股票,不確定性的確好大。特別係恆大汽車(0708.HK)本身母公司財政有大問題,而佢本身到現在,一部汽車都無出產過,投資風險唔細。

理財個案|38歲每年用100萬投資3類股票、手持16隻股票求意見|龔成教室

「財富組合」要優質 要平衡

我哋唔好成個組合,只集中係3,4隻股票身上。最重要是建立一個長期的「財富組合」,要優質,要平衡,要適合你的年齡與風險承受程度,新舊經濟各類股都要有。同一行業不能高於組合30%,同一股不能高於組合15%。要平衡,建立後長期持有,不是買賣賺差價,而是成為你財富組合一部分。

調整4隻股票比例

恆大汽車(0708.HK)、雅迪控股(1585.HK)同是汽車相關股份,我哋就不要持有太多。我建議你調整翻4隻股票比例,再加入適量平穏增長股,去將個風險拉低少少。你要明白一點,高風險唔一定係高回報。若這些高風險企業發展理想,回報當然好。但發展不似預期,損失幅度會比一般平穏增長股高好多,你要明白這個風險。

不確定性好大

你這個組合,會不會升到150萬,要多久才升到150萬,無人知,因為不確定性好大。如果升到150萬,你是否轉至收息股,你要再用你人生階段作考慮。如果你依然係年青至中年,建議保持投資一些有增長力股票。若你已退近退休之年,換成收息股係可以。

富力地產股息好高

你收息股組合中,大體上都有質素。富力地產(2777.HK)業務上是有質素的,股息好高。佢本身負債高,相信會對佢有一定的影響。股價會因此較為波動,所以唔好只睇股息。你預佢中短期都會一般,但如果只是小注投資,都可以。

禹洲集團業務有點波動

禹洲集團(1628.HK)主要於中國廈門、上海、福州及合肥從事物業開發、物業投資、物業管理以及酒店業務。佢係新加坡、香港、上海、合肥、福州、廈門等地均設有分支機搆。整體質素都有,但未算好強,佢在行業中,未算有好大的規模與優勢,另外,負債較高都對這股造成風險。加上業務有點波動,這股唔建議投資太多。

禹洲集團現價合理 

現價合理,但不宜持有太多,長線投資價值都有,但未去到最高質類別。佢PE去到過千,主要係因為過去一年,盈利大幅下跌所致。如果你用翻佢上一年盈利計,佢PE係個位數,所以係正常。

記住財不入急門

雖然佢上年收入下滑,相信主要係受疫情影響。疫情過後,會慢慢回復較正常水平。但始終佢質素唔係好高,唔建議大注。最後,希望你記住財不入急門,一個平衡和合理風險的配置,增長潛力未必最高,但對你長線投資增值,相信會係最有利。

作者簡介:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。