理財個案】讀者疑問,如資金少、分散投資平衡組合會否賺更少?為何不能將有限資金直接投資潛力增長股?股票組合中的「15%及30%」的投資準則是甚麼?

理財個案|30歲投資6年多數蝕!已用10萬買美團、想再月供投票求意見|龔成教室

理財個案|讀者來信:資金少分散投資賺更少?

成哥,有啲人話錢少就唔好分散咁多投資,唔係就賺好少,咁長期唔賣,回報率一樣多,仲要冇咁集中風險,咁講啱唔啱?

如果我月供:

  • 1,000元 / 阿里巴巴
  • 500元 / 小米
  • 500元 / 中國平安
  • 1,000元 / 眾安
  • 500元 / 金沙
  • 500元 / 新鴻基
  • 500元 / 中生製藥

投資舊經濟股有咩用?

會唔會太散?但我鍾意呢啲組合。同埋諗深一層,唔知仲投資舊經濟股有咩用,雖然仲有質素,用嚟平衡組合,但我少錢直接全部潛力增長股咪仲好?

理財個案|40歲已婚月入兩萬多、已有3層樓在手!想每月4萬被動收入要點做|龔成教室

龔成老師分析︰資金少是較難去做分散投資

唔係因為資金少,就唔應該分散投資。只係資金少,會較難去做分散投資。任何情況,其實我哋都要盡力做一個平衡的組合。任何股票、任何行業,我們都不應太過集中,因為一個行業就算更有優勢,也有機會面對行業週期及突發風險,太集中會對你整個財富組合不利。

股票組合要堅守「15%及30%」投資準則

因此,你要建立一個平衡的投資組合,當中有不同的類別、不同的行業,這是最好的平衡風險方法。相同行業不可佔組合多於30%,而單一企業不要高過15%。特別係銀行業,佢營運模式較特別,風險會比一般行業為高。必需堅守30%這個準則,如果可控制在20%以內,會更好。

理財個案|25歲轉行後月薪由18K減到13K!想月儲14K目標3年有100萬|龔成教室

眾安不確定性較高

你現時月供組合中,股票都有質素。但眾安(6060.HK)不確定性較高,我不太建議用來月供。建議你將佢換成指數基金,去提升你組合的平衡性。至於舊經濟股,雖然佢哋增長潛力不及潛力股。但佢地勝在穏定性較高,唔似潛力股咁高風險。

「潛力股」不宜持有過多

你要明白風險高,不等於回報一定高,這是一個錯誤想法。如果成功,回報當然可觀。但由於佢波動性大,失敗時,損失也會較慘重。所以,「潛力股」不宜持有過多,要平衡。若你係偏年青,可以佔5成。但若你較年長或投資經驗較少,要下調少少至3成左右。

作者簡介:作者龔成是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。