趁三天假期，不去睇樓，反而去遊車河，首天大西北遊，由東涌去屯門轉入汀九，再入元朗食晚飯；周日去青衣碼頭行海皮，最尾一天商場遊大運，準備下周父親節節目，三天咁就過咗，去過未曾到過的地方，又睇下市面氣氛，感受下市民在後疫情的消費心態。
非繁忙時間出沒 避過人潮
這三天由於避過人潮，在非繁忙時間出沒，在早上餐廳一早已坐滿人，若果不是早到霸位，周老闆講其實自5月中後已經生意好番好多，不過啲客消費仍然比較審慎，尤其是避開繁忙時間，因為繁忙時段一來少優惠，二來人較多人，驚冇位。
2019年後 做生意局面已扭轉
周老闆開業五年，2018年至2019年這一年最好風光，啲客好肯使錢，唔多介意價錢，「好做好多，踏入2019年中之後已經是另一個世界。」意思係指完全扭轉局面，生意一落千丈，炒人不停，「生意雖然好番五成，不敢過度請人，搞到服務質素下降，流失部份客。」周老闆無奈地說，租約仲有一年，還諗緊會否續約。
買新盤上車實用手冊 買樓流程+睇售樓書+按揭須知 準業主必讀
新盤進入大直路、香港樓價升勢急「賣咗買唔返」港人尋找筍盤各施各法｜老樓周記
西灣河海邊餐廳 越食越平
西灣河海邊餐廳也是老樓愛到的下午休閒餐好地方，海邊約十間舖頭也試過，只鐘情意大利下午茶套餐，呢兩年越食越平、60元左右，可以望住海邊飲杯美式咖啡休息一下，老樓好多時在這裡消閒三小時，兼打下稿做下功課，這篇稿便是在一個下雨天時間寫的。
樓價不斷升 但餐廳生意一直下降
寫寫下那一位印藉店長坐下來傾偈，兼拿了一支紅酒對飲。「業主不單止沒有減租，而且亦沒有推廣，以前在大時大節時，如萬聖節、復活節，商戶都會夾錢搞活動，早幾年仲可以，但這五、六年閒時只有兩成坐滿，周六日也不爆，總公司計劃縮減舖位分行，我亦打定輸數，應該好難轉去其他分店。」，他續說「這邊的樓不斷升、但餐廳生意一直下降，根本不成比例。」
店舖吉了 近年沒有人租
老樓散場後行去港鐵站，附近基層食肆也不是很多人，價錢與去年大致冇變，而且多了優惠，外賣依然有折頭，但同街內亦有不少舖頭交吉，而且吉了近年都沒有人租。據經紀王話，只係核心地區舖租好返，但不及旺市市值五成，換句話說，只係淡市時回升一成價左右，而且多是同區舊客換舖。
波斯富街和霎東街 業主減租都冇人租
「換大咗，租平咗」，做生意梗係找些地點好的舖位，宜家不是連續店正換位，好似羅素依家有返零食店和數碼產品店，月前先至冇吉舖，但行去波斯富街和霎東街，依然有舖位依然長吉咗係度，「都成年喇，業主減租都冇人租。班代理仍然睇淡舖市，起碼仲要捱多五年。由於去年跌得太多，呢幾個月只是死貓彈，彈完又弱過！」
【2047大限】逾3萬份地契到期 買樓做按揭有疑慮？分析政府可能採取的措施
最近新盤投資者比例大
假期晚上同老友食飯，老友話最近新盤投資者比例大，以黃竹坑晉環為例，不少於七成；至於另一邊廂，沙田大圍柏傲莊冇八成都有七成買家；老友話，投資者之勇乃見勢頭旺盛，銀行肯借錢，雖買了數間，也願意借五成，所以一定削弱了真用家的入市機會，事實上大手時段啲客三間至四間，好多靚位賣了不少，用家見到個勢仲咁勁，令到他們唔買驚後悔，以後更加買唔到，所以現時氣氛仲會旺多一季。
作者簡介：劉兆昌為資深地產傳媒人，自1988年起投身地產傳媒採訪工作，見證香港樓市大時代三十年變化，曾任多間傳媒機構地產版主管，為香港傳媒界第一代地產版從業員，並曾於2010年出版首本買樓入門書。目前為自由創作人，中港兩邊走。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
