理財個案｜80後投資多年、有一隻股持貨十年一跌就溝！愈蝕愈多求指教｜龔成教室

【理財個案】80後讀者投資多年，與家人同住、有70萬現金，現持有6隻股票，其中（1138）中遠海能持貨十年，一跌就溝，但現時愈蝕愈多，求龔成指教。

理財個案｜35歲單親有小朋友、疫情下停工零收入！投資股票蝕淨10萬求救｜龔成教室

理財個案｜讀者來信：

龔sir你好，本人80後，10年前初次買入股票，見蝕咗之後就唔理，而家愈蝕愈多，但又唔知哩刻應該點做好，好無助。近來睇你fb留言，發覺你教嘅都好正路，唔鼓吹短炒，仲無私咁幫人。希望你都可以指點一下我，感激！

本人有買醫療保險，持有現金70萬，同家人同住。

現時持股：

唔打算月供 想每次用2萬元入貨

我打算買入領展，港鐵，中銀，中國生物，恒基，另外（2800.HK）同（3067.HK）應否等回番啲先入？（因冇開基金戶口，唔打算月供，會每次用2萬元左右資金入貨） 另外資金比例應該點分配好？係咪唔需要留太多Cash？（1138.HK）係咪需要到某個位放一部份？現時我持有嘅股票都可以繼續持有嗎？謝謝！

龔成老師分析︰收息股增長力欠奉 不宜持有太多 

我哋投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。

理財個案｜21歲自認可承受風險！用一半人工月供中生製藥、另一半儲起｜龔成教室

中國聖牧 中遠海能 質素較一般

以你年紀計，應以增長為主。中國移動（0941.HK）、匯控（0005.HK）、PCCW（0008.HK）這些收息股，增長力欠奉，不宜持有太多。中國聖牧（1432.HK）跟中遠海能（1138.HK）一樣，質素較一般，就不至於差到要即刻放。你可以分幾次，慢慢換碼至其他優質股。

盈富 安碩恒生科技 屬可入貨水平 

你現時打算購入的股票，都適合你。盈富（2800.HK）現時係合理區，而安碩恒生科技（3067.HK）係合理區頂至略貴，都係可入貨水平。但你每次用2萬，其實好難有效去買入以上股票。如果你自問定平貴能力係無問題，你可以按佢哋價格水平，去策略性入貨。

建議月供較好

若你對定平貴無信心，咁我建議你都係用月供較好。現時大市只在合理區，資金唔好盡用，最好現金和股票大約各一半。留下來部份，等大跌市出現時，可以用來掃貨。

【按此訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。