【理財個案】35歲單親有小朋友，因疫情下停工現時零收入！投資了兩隻沒質素的股票，現時蝕淨約10萬元，想知應該怎樣做。
理財個案｜21歲自認可承受風險！用一半人工月供中生製藥、另一半儲起｜龔成教室
理財個案01｜讀者來信：投資股票蝕淨10萬求
老師你好，我今年35歲，有個小朋友，單親自己照顧小朋友。想問（0653.HK）卓越，我係0.192入嘅，買咗100萬股，192,000元。
另外買咗（8139.HK）長安仁恒，分別係 4.2 入咗，4.9同8.3入咗，總共入咗30,000股。現在全部蝕咗好多錢，暫時手頭上得返10萬現金，份工又俾政府停咗冇收入。請問我而家應該點做好呢？謝謝你
龔成老師分析：現金不多不要再買股票
你現時現金不多，這刻不要再買股票，同時想方法增加收入，至下以下股票，質素都不太好，你有需要就賣出。卓悅控股（0653.HK）質素只是一般般。
這股在過往的經營環境都唔算好好賺，經常出現虧損，近期面對疫情，情況更弱。相信佢疫情過後會好翻D，但長遠的投資價值始終唔算高。
理財個案｜26歲月入18K！4隻股票都坐艇、現金不多考慮月供股票增值｜龔成教室
理財個案｜疫情令收入減至2萬、月還貸款3.5萬！有340萬現金要點部署｜龔成教室
轉其他更優質的股票
建議你疫情過後，等佢股價上返啲，賣出，轉其他更優質的股票。長安仁恒（8139.HK ）主要從事膨潤土精細化學品的研發、生產及銷售。
以膨潤土為主要原材料之一，經深加工後製成四大類產品，即造紙化學品、冶金球團用膨潤土、優質鈣基土及其他類別產品，並以「長安仁恒」及「潤潔」品牌銷售。
企業規模細 投資價值不高
企業規模細，盈利波動大，有時出現虧損，企業投資價值不高。你最好賣出部分，然後等佢上翻D再賣出，這股要上翻高位，基本上不容易。
理財個案02｜讀者來信：單身女仔部署退休
老師，我今年三十二歲，乜嘢都無既女人仔一個，假設我以後無男人無仔女養，有八十歲命，做野做到五十幾歲生產力下降。
咁我仲要交租食飯醫療到底要用幾多錢？我估計最起碼要四百萬。意思即係我呢二十八年，每個月都要儲萬二蚊，呢個計法有冇問題？
如果依家首先朝住一個目標去買三百萬以下既新界村屋當養老，暫時唔係自住既，係呢二十八年入面實現咗先，放租又好放係度都好，去到以後既生活係咪過得輕鬆啲？我唔識計劃可唔可以教下我？
龔成老師分析：建立財富組合5步曲
妳32歲，醒覺到有這問題，有些人到50歲先醒覺，你現時仍有時間準備，可以以$400萬為目標。
你只要利用儲蓄、投資，其實是可以做到的，不用太過擔心。而你考慮投資物業，都可以的，因為物業是資產項，長遠有租金，就能提供現金流比你。我會建議你唔好只考慮單一資產，而是建立一個財富組合。
- 第一步，你要儲蓄。
- 第二步，要學投資，利用一些穩健工具，例如穩健股票，月供模式去滾大財富。
- 第三步，利用增值後的財富去投資物業。
- 第四步，如果有閒錢，同時投資股票，進入「股樓並行」狀態。
- 第五步，到年齡大時，再進行財富配置，集中在現金流類別資產。
另外，我建議你睇《5年買樓4部曲》這書，幫到你的。
理財個案03｜讀者來信：MPF投資策略如何變陣
龔sir你好，我今年40歲，由工作而來一直無理會份MPF，全部放了在增長基金，最近睇返份MPF發現升了不少，想請教老師，我如何管理我份MPF，再可在退休有更好的回報呢？
是否需要升市時轉回部份做穩定基金？還是按年齡調整風險？補充：我在醫院工作，兩年前轉做長工，醫院為我轉供公積金，不需再供MPF謝謝老師！
龔成老師分析：強積金唔需要經常轉來轉去
由於強積金比我地平時的投資，更為長線，所以強積金在配置上，唔需要經常轉來轉去。
你只要簡單按翻你的人生階段，去配置進取/平穩/保守，已經是大方向。現時你年齡40歲，財富仍有增長力，你可以有一半或以上，持有原本基金，餘下就轉到較低風險類別。
理財個案04｜讀者來信：股票派息無著數？
龔sir，想請教。除淨日會在正股減去相關的股息，咁其實都只不過係我本身既資產抽出嚟派返俾我自己咋喎，又唔係另外再派，什麼幾多厘股息都係假，你點睇呢？謝。
龔成老師分析：企業派息的真正意義
你未明企業價值的概念。我地買股票就是買入一盤生意，當生意賺錢時，就會將部分利益分比股東，這就是派息，當派息一刻，由於企業的現金減少，所以企業價值會減。
其實，企業繼續營運，慢慢賺錢，價值就會向上，到一年過去，有盈利，就派息，這情況不斷發生。
而所謂幾多%，就是以上年度的股息，用來比投資者參考有多少的股息回報。如果企業不派息，就是一直持有這些現金，股東會間接擁有，但無法自由運用，當派息到股東手後，這些利益先真正股東能運用。
另外，你平時買股票，你不是幫企業買的，你只是從一個二手市場，幫另一投資者買貨，所以，股息率的意思，就是你以這刻買入（二手市場），與你收到股息（企業層面）之間的關係。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
