讀者來信：Anthony Sir 你好！最近看見新樓盤人頭湧湧，很多父母都買樓俾自己仔女，我同事細我幾年，啱啱畢業冇耐，冇幾耐之前已經上咗車，就係父母買俾佢，我呢？首期都未有，怎辦呢？
買樓要供樓大壓力所以應「盡早KO」租樓不會更輕鬆因為「永無止境」｜第一桶金
樓市新一輪升市 預計由新界西帶起 十大屋苑周末預約睇樓量創10周新高
回覆讀者來信：沒有父幹怎麼辦
完全理解！很多年青人都這樣說…點解我冇有錢老豆？點解我冇屋企人買樓俾我？輕則自我放棄，鬥亂使錢！重則埋怨父母冇用，影響家庭關係。有父幹，其實不一定是好事！試想想，有父幹，代表甚麼？代表父母有點錢，可以支持子女的生活，甚至可以買樓俾佢哋。
有父幹唔使捱得咁辛苦
做子女的，可以唔使捱得咁辛苦，儲錢唔使儲得咁辛苦，可以食好啲、著好啲、玩好啲，萬一唔覺得洗大咗，返屋企撒吓嬌，父母就幫他找卡數，唔使為生活煩惱之餘，又可以在朋友同事之間炫耀一吓…僅此而已。如果教得好，當然有機會成為精英；如果教得唔好，其實只是一個二世祖…是的，有樓有車，又如何？沒有經過努力爭取，會珍惜嗎？
有樓有車但卻是廢青
見過不少，有父幹母幹，甚至有樓有車，但卻是廢青…工作懶懶閒，淨係識得玩，有時傾開偈，佢哋並唔係大家想像中咁開心，冇夢想，冇目標，唔知自己可以點。更甚者亂咁投資，貪過癮做老闆搞生意，又唔知自己冇能力，做得唔好蝕錢又有，俾人呃又有，結果老豆淨落的財富，輸埋！
冇父幹反而更有鬥心
冇父幹，反而更有鬥心！筆者自己如是，身邊很多很多學員如是，都沒有父幹母幹，出身基層，靠自己闖出一片天，關鍵在於…思維！就是因為兒時家裡窮，所以更努力！筆者由畢業第一份工開始，就已經習慣秘撈，別人放工吃喝玩樂，我就撈多份。
失業率高但香港樓市照反彈！買家不是一般打工仔 兩個層面解釋 經濟差仍那麼多人買樓
靠自己努力更珍惜
朋友問：咁辛苦為乜？…其實好開心架！又可以賺錢，又可以學嘢，又可以識人，只要是自己有興趣的工作，辛苦都開心架！一萬幾千，對有父幹母幹的年青人來說甚麼都不是，但對於靠自己努力的年青人來說，就是血汗，更珍惜，更開心！
過千萬資產靠自己
冇父幹，反而更有決心學習投資理財！就是因為兒時家裡窮，所以更想擁有！大富由天，小富由己！要大富大貴，億億聲身家，創立大企業，當然要講天時地利人和；但小富小貴，例如有幾層樓、過千萬資產楂手，其實靠自己就可以，根本就不需要父幹母幹！
努力十年八載就已經做得到
香港…雖然近年有很大轉變，但仍然是機會之都，只要好好培養自己的財商、行動力，用對方法，要成就小富，完全冇難度！看看身邊無數學員，基本上努力十年八載就已經做得到！輸在起跑線不要緊，因為你可以贏在終點線！
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
