相信大家俾人鬧時,都會有啲說話覺得好難聽,而自己鬧人嘅時候,有時都唔小心會惡言相向,收不了口,不過好多時呢啲未必有心嘅說話,衝口而出之後,好有可能影響人一段好長好長嘅時間。

趁4歲前開心留影、揀農曆新年場景夠應節!影親子家庭相4個注意事項|深媽實道

《調查男女》 :香港男女最憎父母講嘅說話

最近,睇ViuTV嘅一個節目叫《調查男女》,每晚請嚟嘉賓,一齊估下城中人當晚題目嘅調查結果,而其中一集就係講香港男女最憎父母講嘅說話。當晚嘉賓係深媽細個睇兒童節目時候嘅主持「麥包」同埋Lu Lu姐姐,佢哋唔知係咪都接觸得小朋友多,所以好多時都估中。

說話唔可以亂講

原來,喺35-44歲男性入面,最憎父母講嘅說話頭五位係「點解人哋得你唔得?」、「答我啦,你啞架?」、「生舊叉燒好過生你」、「廢人!剩係掛住Hea」、「咁都做唔到 弱智架?」。至於呢個組別嘅女性入面,最憎嘅頭五位分別係「點解仲唔溫書做功課?」、「咁都做唔到弱智架?」、「廢人!淨係掛住hea」、「點解人哋得你唔得?」、「我係你老豆 講乜你都要聽」。

《調查男女》讓父母反思:無心語不能亂講「點解人哋得你唔得?」小朋友記足一世|深媽實道-香港財經時報-HKBT
圖片:電視截圖
《調查男女》讓父母反思:無心語不能亂講「點解人哋得你唔得?」小朋友記足一世|深媽實道

衝口而出嘅說話或令人記足一世

就咁睇,呢幾句說話好似曾相識,俾人鬧會聽過,自己鬧人都鬧過,但原來呢啲喺鬧人時衝口而出嘅說話,可能會令到聽者好唔舒服,甚至真係會記足一世。下次再鬧小朋友時,真係要停一停諗一諗!

家長WFH300天、K1返學只有31天!香港小朋友如何在疫境中在家學習|深媽實道

「點解人哋得你唔得?」 位列三甲

喺總民調入面,「點解人哋得你唔得?」呢一句進駐三甲,可想而知真係無論咩年齡,真係唔鍾意自己同人比較,但往往好多時大家都會唔小心將孩子同其他小朋友比,隨手都舉到好多例子,例如餐廳入面會話:「睇下隔離枱小朋友食嘢幾叻」、「睇下細妹幾乖,點解你咁曵」、「點解人哋做到你做唔到?」,真係隨便都講到十句八句,好多時家長都會忍唔住這樣跟孩子說,但原來卻在孩子心中留有一根刺。

父母反思無心語不能亂說

其實相信好多家長跟我一樣,明知道這樣說不好,又好多時都會口快快就說出了類似的話,看到今次的民調之後,深媽自己就反思了好幾次,而且現在如果真係火起要鬧仔時,都會想一想怎樣說會比較好,希望教得到孩子之餘,又唔會太傷佢心。唔知各位有冇咩妙法呢?

按此訂閱《香港財經時報》HKBT 新聞快訊

編按:專欄作者深媽,雙職媽媽一名,曾任職傳媒行業,做過副刊親子、教育、家居、健康、寵物版記者,現時日頭是專業Digital Marketing人,放工返到屋企即變身成「湊仔戰士」,同屋企一隻即將4歲的跳跳紮兒子搏鬥。攰,但相信不少媽媽都同我一樣樂在其中!

作者簡介:深媽是一名雙職媽媽,曾任職傳媒行業,做過副刊親子、教育、家居、健康、寵物版記者,現時日頭是專業Digital Marketing人,放工返到屋企即變身成「湊仔戰士」,同屋企一隻即將4歲的跳跳紮兒子搏鬥。攰,但相信不少媽媽都同我一樣樂在其中!

免責聲明:本網頁所有專欄作者的觀點,不代表本媒體立場。