理財個案｜之前賺咗無放現在倒蝕！趁後生想買潛力股博大回報｜龔成教室

【理財個案】讀者自言還年輕，想趁大回調買入潛力股換取比較高的回報率的機會，人生總要博一次，股票投資回報唔想咁少，想長線博下一次大收成。

理財個案｜之前賺咗無放現在倒蝕

現時持股：

股票代號	數量	買入價
1810.HK	10000股	$14.66
3067.HK	8000股	$9.6
0020.HK	20000股	$2.09
1177.HK	14000股	$6.18
1830.HK	10000股	$3.72
0144.HK	10000股	$10.2
3319.HK	10000股	$6.1
0916.HK	7000股	$7.79

想趁大回調買入潛力股

以上股票若持有5年或巿況好轉，是不是相比收息股回報為高？因為還年輕，想趁大回調買入潛力股換取比較高的回報率的機會，人生總要搏一次，我就選了今次（用自己呢幾年每個月出糧剩餘錢儲的）。

投資回報唔想咁少想長線搏下一次大收成

我之前賺的，被人話賺咗都唔放，睇下而家又倒蝕。但我回報唔想咁少，想長線博下一次大收成。或者轉來轉去可能蝕更多，對我來講個巿或某股真是好難估升或跌。現時中國個巿我都無眼睇。

龔成老師分析︰

你上手的股票，主要係潛力股（1810.HK , 3067.HK , 0020.HK , 1177.HK , 1830.HK），其次是平穏增長股，這些股票都有長線投資價值。理論上，這2類股票長線增長能力會比收息股為高，但潛力股都要講質素，同時不確定性高，好難講持貨某個年期就一定回報較高。因此，投資者要定期檢討企業的質素。

年輕風險承受能力高

如果你年輕，風險承受能力高，可以在潛力股的比例上盡量提高。但不建議投資者持有潛力股超過5成，明白你想提高投資回報，但任何投資都不保證一定賺錢，你要明白當中的風險，並做好平衡配置。

真正投資唔會估走勢

大市的確好難估升跌，而且真正投資我地都唔會估走勢，只會睇佢長線質素和平貴度，去做入市策略。另外，我地會用分注的形式儲貨，只要在合理區就可以慢慢收貨，然後等待成長。

以下幾點你要留意︰

個股長線不要組合比重15%，你的組合中，小米（1810.HK）、招商局港口（0144.HK）有少少高，要留意。
你潛力股的比例偏多，不建議超過組合一半。
商湯（0020.HK）風險高，招商局港口（0144.HK）質素一般，這2隻長線不宜持有太多。

長遠建議你加入平穩增值股

長遠建議你加入平穩增值股，來平衡整體組合。另外，可考慮加入美股，以平衡組合的風險。至於中國經濟，因爲幾年的疫情對各國的經濟都造成打擊，再加上中國封城的策略會凍結大部分的經濟活動。因此，經濟要回暖需要時間。

培養好正確的心態

培養好正確的心態，趁這段時間提高投資知識是你需要做的，對提升將來的投資回報有幫助。書本上，你可以睇我寫的新作《圖解股票小百科》以及《80後千萬富翁》、《財務自由行》，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。