理財個案｜38歲主婦買股票原想穩定增值！高位入盈富蝕錢點算｜龔成教室

【理財個案】38歲家庭主婦買股票原想穩定增值，但因不懂選股，今年2月高位買入8萬股盈富，正在蝕錢中！現時尚有60萬可投資，應該繼續入盈富定買其他呢？

理財個案（1）讀者來信：38歲主婦買股票想穩定增值

老師你好，我留意咗你一段時間，謝謝你的分享。我今年38歲，是一位家庭主婦，想買一些穩定增長的股票，但我不太懂選股，我今年2月高位，$22左右，入左8萬股2800盈富基金，脹面至今蝕緊，而家個市跌至18800點以下，扣除半年家庭可用現金，我仲有60萬現金可買股票，見而家仲跌緊，應否再買盈富基金，定買其他類型股票呢？

想長線投資

另外，我係想長線投資的，雖然唔知等幾耐，如果將來大市上到30000點左右，是否要放晒股票？謝謝。恒生指數會否好難升番上3萬點？我見上年升左8000就跌番，一般會建議升幾多千點就要放？記得之前你話最差嘅時期已過，是否不會好像上年咁樣，恒指不會去番15000點呢？謝謝解答

理財個案（1）龔成老師分析︰買入位屬合理區中下部

首先，你買入盈富（2800.HK）個水平唔係高位，而係合理區中下部。全球受很多不明朗因素影響，好似美國衰退風險、通漲問題、地緣政治和戰爭危機等，都令到經濟復甦不似預期。不過，我地哋作為價值投資者，唔係睇短期，而係長線(未來5-10)發展狀況。

大市已進入合理區底可再加注

我相信未來10-20年，中美會係全球最大經濟體，故相關股市都有投資價值。你手上盈富個水平唔係高位，而係合理區中下部。全球受很多不明朗因素影響，好似美國衰退風險、通漲問題、地緣政治和戰爭危機等，都令到經濟（2800.HK）可以守，而時大市已進入合理區底，你可以再加注。但同時留有一定資金，等佢再跌架時候，可以入平貨。

分散資金投資美股作平衡

另外，我唔建議集中晒係港股，可以分散一些資金去美股作平衡。Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。你可以用這隻指數ETF，作為投資美股的目標。這些指數ETF，你可以一直持有，到大市開始貴，就慢慢分段減持。至於到時幾多點係貴，要睇當時成份股盈利能力，所以唔係30000點，就一定叫貴。

建議提升投資知識

最後，我建議你提升投資知識，令自己可以選擇更多不同類型股票，提高組合增長力。你可以多讀投資相關書本、年報，新聞和報讀相關課程。書本上，你可以睇我寫架《80後千萬富翁》、《財務自由行》和《股票勝經》，都適合初學者。

恒指已在合理區底有一定值博率

我相信最差嘅時期已過。不過，我始終唔建議估底，因為根本好難估。只能說現時恒指已在合理區底，甚至開始平，有一定值博率，故手上一定要有貨。但唔代表佢唔會再跌，所以同時要留現金，等再跌時加注。現時全球依然有不少不明朗因素，但有部份已經淡化(如疫情)，所以我覺得回到上次14XXX水平，機會係偏細。

理財個案（2）讀者來信：00後有3萬蚊想投資

龔成老師你好，我係一位00後，想請教老師我手頭上有3萬蚊現金，一直都好想投資但唔知做邊樣好，我應該擺喺ETF定係股票市場好？明白高風險高回報

理財個案（2）龔成老師分析︰用「先增值後現金流」方法

其實高風險，唔一定代表高回報。我哋投資最重要係學會分析企業，同時懂得如何估值，以確保自己可以係合理價錢，買入優質股票，再配以合適配置和持貨策略。以達至低風險，高回報效果。當我哋進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。

00後是財富增值的黃金時期

例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。以你現時00後年紀去計，是財富增值的黃金時期。除了盡力儲蓄、投資、學投資知識外。也要把握這個黃金時間，做好財富增值部份。

投資「平穏增長股」和「潛力股」

策略上，你可以投資「平穏增長股」和「潛力股」。除了用現有3萬蚊現金，建議你都用每月儲蓄去做月供股票增值。你每月5成儲蓄做月供，其餘先儲起，用一邊月供一邊儲蓄的策略。