【 理財個案 】阿Sir，我父母過咗身有一層遺產物業係俾我同我細妹兩個人，初初我都諗住現金一次過買埋我細妹一半嘅業權，我當層樓500萬，我要俾250萬佢，因為層樓都好舊要全屋翻新裝修最少都要80 萬，如果我決定行呢個方向，我現金流即時冇咗330萬。

理財個案 ｜父母有遺產樓好舊 48歲兄有自住需求

相反我如果賣樓，變相會多番250萬即係現金流有580萬 ，我當做定期都可以cover到租金，其實我知道買樓自住係需要嘅，但係因為我父母層樓都好舊，已經37年樓齡，再加上地點係深井，交通唔方便，每日返工放工都會消耗好多時間，而且層樓完全冇升值潛力，如果我再住多20年，層樓就57年喇，我今年48歲 ，我真係唔知應該點樣去處理好。

考慮買樓 好迷惘

如果而家攞晒啲現金流去買樓，我只係得返啲保險同派息基金可以幫我錢搵錢，但係嗰度都唔多，我諗大約三百萬左右，但短時間都唔會動用佢，因為會蝕，最少都要擺多7-8年，我而家真係好迷惘，又驚退休唔夠錢使又擔心老咗又冇屋住 ，因為再過多10年後或者我想置業，我冇可能用今日呢330萬買到我心水嘅單位。

我真係覺得好煩惱，完全冇方向，如果係你你會點處理？希望聽到阿Sir你寶貴意見。麻煩你有時間先覆我。

理財個案 ｜龔成老師分析︰

你情況，明顯現時父母留下間屋，係唔適合你。加上本身已有一定樓齡，自住其實都不太適合。從投資角度，太大樓齡架物業，投資價值都會打折扣。（因為新買家，較難承造長年期按揭。）

所以，以你情況，應該賣左佢會較適合你。（至於係叫你個妹買埋你個部份，定係成間賣，2姐妹再分錢，就你地自己研究。）套現後，你找一個適合自己長線居住，又有信心供到架自住單位，咁會較好。

更多理財個案：理財個案 ｜買一手啟德居屋自住 vs 留現金投資｜致富選擇二揀一

（龔成是證監會持牌人士，上述內容目的是教學，並無投資貼士，這裡不應理解為買入或出售任何證券、投資工具之建議或邀約。上文提及的資料，只是學術分享，網友要有自己的獨立分析，並為自己的投資負責。）

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。