【理財個案】讀者：老師你好，而家我同老公大約四十歲，現住係奶奶名下嘅未補地價公屋，會比我地長住，娘家有間未買嘅公屋，目標係想比七歲嘅囡囡將來有多個居所，應該點樣安排好呢？
理財個案 ｜40歲夫妻 想7歲女將來有屋揸手
- 以白表/ 白居二抽到居屋最理想，但機會都幾微
- 用娘家公屋我媽媽+我地一家三口以綠表申請，機會大好多，變咗同我媽媽三代同住，但老人家就要搬離開三十幾年屋企，一齊住都怕大家唔習慣唔開心
- 以租者置其屋買入現時我媽間公屋，市價2-3 折，我媽做業主，我做擔保人，等我媽百年後繼承，不過條邨而家都三十幾年樓齡，怕日後大維修好貴，到個囡長大後都好舊未必想住，亦都較難賣出，佢現時租金約千幾蚊，一路租到佢百年歸老，又唔需要擔心維修費，其實都好抵。
- 睇二手市場居屋，我地加埋差唔多六萬收入一個月，有60-70 萬股票，選擇少亦都唔太理想
請問應該點選擇？或者其他方法？謝謝老師
理財個案 ｜龔成老師︰ 40歲夫妻 可儲多少少錢先
方案2、4較好，如果方案2最後令家中有成員不開心，就考慮方案4，你可以儲多少少錢，遲些先進行方安排4都得。但有一點我反而想你留意，上述其實有部份，並非投資上問題。首先你要做，係同家人討論好，大家未來生活方向(唔好自為之單方面估，或者要求各方單方配合你)。
建議你先同家人傾下
之後，先再諗這個大家的共識背景之下，應該買邊類物業，先係最適合(生活 + 財務安排)。我反而建議你同家人傾下，之後有較好方向，再做安排較好。
我咁講係因為，我見唔少網友個案，因為夾錢、同家人住、樓的名、等因素出問題，當中不少並不是理財問題，而是家庭等問題。
更多理財個案：理財個案 ｜50歲有兩間黃埔花園單位一自住一收租 要養家無多餘錢
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。