理財個案｜50歲有兩間黃埔花園單位一自住一收租要養家無多餘錢

【理財個案】讀者：龔老師您好！我是您的忠實粉絲。首先感激您的投資心得分享，承蒙您的著作使我懂得一些投資的基礎。希望老師可以幫忙分享一些心得。

理財個案｜50歲有兩間黃埔花園單位

我今年50歲，收入支出剛平衡，要養家，無多餘錢。有一層自住樓黃埔花園2房單位，已供滿。另外有一層也是黃埔花園2房單位放租。已經供滿。租金收入算是主要生活收入來源。因為坊間傳聞黃埔花園太舊了，再不賣出或換新樓以後就好難賣得出，否則跑輸市場一大截。

應否同區換個較新2房單位收租

我打聽過現在黃埔2房單位$700萬，如果我賣出再同區換個較新的2房單位收租，租金可能多7%，但要補差價$150萬，即$850萬較新既2房單位（包括裝修和里印費），例如附近的海濱南岸。

如果要拿出$150萬，即是拿出儲蓄的一大半。這樣出多$150萬，換新小小的2房單位，比較持有舊既黃埔花園2房單位，是否值得？表面上看，出$150萬，租金收入好似多了7%，而且樓齡又好似新了些，這樣想法是否正？還是繼續持有黃埔花園收租（因為始終都是藍籌屋苑）？感謝老師的寶貴意見和時間！

忠實粉絲，蔣先生敬上

理財個案｜龔成老師分析：黃埔花園抗跌力較高

黃埔花園樓齡超過40年，雖然佢係藍籌屋苑，抗跌力較高。但長線，都難免會有減值和維修成本大增的情況。如果你想換另一個較新物業，去作為收租之用，係可以。但我地財富規劃，唔好只諗單一資產，而係要總體咁去考慮，思考下同一筆資金，長線放係邊度最有利。

投資物業唔係一個最優先選項

首先，我自己預期未來香港樓市，只會係平穏發展，唔大升，同時唔會大跌架格局(唔會好似過去20年咁一直升)。故投資物業，唔係一個最優先選項。再加上，你已經有一個自住物業，如果你本身除左物業，無太多其他資產(如優質股、生意之類)，咁我會偏向建議你套現資金，配置落適合自己的優質股之上。

要明白其實你出現集中風險

這樣做，會令你財富組合更平衡。就算物業/租務市場好差，你成個財富組合，都不至於出現災難性影響。當然，如果你對其他工具不認識，買一個較優質物業都可，不過你要明白其實你出現集中風險，同時物業長遠目標是收租及少少升值，不能期望大升。

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責。而本網頁所有專欄作者的觀點，不代表本媒體立場。