【理財個案】讀者：阿sir 其實我有個問題一直諗唔通應該點處理？假設我有2百萬現金，但 欠債 需要還俾人，而我本身已經有層樓供完，我應該用現金還清俾人好吖定係再攞層樓去加按將加按筆錢還俾人呢？

理財個案 ｜ 欠債 用現金定加按還？

因為我覺得如果將現有嗰200萬去投資穩陣嘅ETF或者阿Sir介紹比較優質嘅派息股票，有冇機會慳到銀行還按揭嘅利息呢？但問銀行借錢就好似長期有個負債咁樣，我覺得好難諗，唔知應該點處理好，我想聽吓阿Sir你嘅專業意見同分析。

都係嗰句你有時間先回覆我，唔急的。唔好意思成日都煩住你，你冇時間可以唔覆我㗎，真係成日問你嘢我都覺得好唔好意思。

200萬只係我部份嘅現金

補充少少 ，2百萬只係我部份嘅現金，就算我真係一次過還清俾人，我都仲有錢可以投資嘅
咁我應該點處理？

龔成老師分析︰ 欠債 是否再借錢

我明白你想法，是想留更多現金增值。同時，你相信”按息成本”和”投資回報”之間，存在明顯息差。但你要明白，借貸投資係高風險。因為”投資回報”部份，係唔保證。而”按息成本”，郤是必然發生，所以係有機會造成不利。而且，”加按”你仲要考慮生活現金流問題。

因為投資回報(那怕係股息)，都唔會每個月出現。但借貨和按息，就要每月清還。所以，生活現金流，都係你要考慮架地方。

欠債 是否先還錢

這個看你息口高低，如果係好低息，你可以考慮保留全部/部份，去先做投資，再慢慢還比人。但如果息高，或者你想穏陣D(畢竟你還完錢，都仲有錢做增值)，咁你可以先還清負債，都係可以。

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。