【理財個案】讀者：龔成老師你好，因為經濟不景，最近被公司裁員。但很快就搵到工作，可是人工福利就大不如前。想問一下，再就業但人工不及之前嘅資產配置及月供方向。（現時大約$35000月薪）本人有足夠現金應該未來一年開支，所以未有需要變現股票，但同意可以調整股票組合。
股票組合：
- 煤氣 (0003)
- 港鐵（0066）
- 港交所（388)
- 領展（0823）
- 盈富 (2800)
- 中國銀行 （3988）
- 舜宇光學（2382)
- 小米 (1810)
美股
- Apple
- Amazon
- BRK.B
- NVDA
- TSLA
- VOO
1) 現有月供股票$6000：
- $1500 港交所（388)
- $3000 中國銀行 （3988）
- $1500 小米（1810）
因為剛開始月供中國銀行幾個月，未想中斷。港交所則已月供了2年以上（大約持股五手）所以早前有減少月供金額。但請問是否應該調整月供比例？再保留更多備用現金？
2) 兩隻股票現時蝕價中
以下股票現時都在蝕價中, 請問是否應該逐步減持？
- 港鐵（0066）
- 領展（0823）
3)美股(25%) 港股(75%) 市值比例 總值75萬
如果長遠想增加美股比例，但暫時美股估值是否過高？假如現時開始月供VOO，此方向是否正確？希望可以得到你意見，十分感激。
龔成老師分析︰現有股票唔使點變
現有股票，大致跟上次回覆，唔使點變。
1) 中行(3988)對你36歲而言，有少少保守，唔建議供太多。（除非你怕風險，想收息，就可以持有適度比例）。
唔使減持 除非持股佔你組合好高
2) 唔使減持，除非持股佔你組合好高。你要明白一個概念，我地持有一隻股票與否，關鍵位是企業質素、前景，不要被買入價影響。因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。
現時月供VOO 係可以
3) 現時月供VOO，係可以。但美股整體唔平，建議你唔洗過急去增持美股，不要一次過大手，不過，你美股少過港股，長遠計，要慢慢大翻比例。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。