【理財個案】讀者：龔成老師你好，我係18歲大學一年級生，因為睇到有讀者來信，咁我都試下來信先，我係一名讀唔到名牌大學，讀唔到自己鐘意既科既一個失敗者！
理財個案｜18歲讀唔到名牌大學＋理想科目
因為我讀緊果科無乜前途，有次買書見到你呢本80後百萬富翁就拎左上手睇，睇左前言都覺得好勵志！所以就買左翻屋企睇，我愈睇愈沉迷，有幾個問題唔係好明，mark 低左，未知老師可否抽空解答？
想為學習而工作 好鐘意咖啡
仲有你書到提到唔係為錢而工作，為學習而工作先岩ma，但我自己好鐘意咖啡，所以已加六，日朝早下午都用左時間黎翻cafe。之後又補左4個習，咁其實我係咪應該cut曬佢？因為我學唔到任何關於投資既知識，但我唔翻工，又無錢，咁我又何來本金投資，但翻工又佔左我好多時間咁，望老師解答。
個案重點：
- 18歲大學生
- 考不上名牌大學
- 覺得自己是失敗者
- 有做兼職，有喜歡的事物
重點目標：
- 不要為錢工作
- 如何在學習和工作上取得平衡
- 應否停止所有兼職
龔成老師分析：無一個人是完美 每個人都有起跌
先講述你讀書方面，無一個人是完美，每個人都有起跌，你無法讀自己想的大學及學科，不代表你是失敗者，有時人生好得意，上天有時會安排更有趣的事情比你歷，最重要不要放棄，每一條路，都有當中取的地方！
對自己有自信 最重要
有機會你現時的科目，更加適合你興趣，以及長遠發展更好，好多野好難講，可能這是一個機會，要好好把握及發掘當中的好處。總之，保持正面心態，對自己有自信，最重要！
所有野的出發點 都是長期
至於你上述兼職的問題。你記住，所有野的出發點，都是長期。我建議「唔好為錢而工作」，這是一個長期概念的說話，即是說，你唔可以為人工，而付出你的人生，但在中短期，我地都要有儲初期資金的時間，因此，如果只是幾年去打工，只為儲錢，是無問題的。
這是一個中途站而不是總站
因為這是一個中途站而不是總站。但如果你視「為錢工作」為一個總站，就有問題。同時，除非你翻你該工作人工好高，否則，如果對你長期的作用不大的話，就不要長期做（最多只能做一段時間）。
18歲應累積基本財富
你現時翻cafe，相信是你的興趣與將來的目標，這就是「不為錢工作」，因此，你可以繼續做。至於補習，如果只是中短期一段時間，無問題的。同時，由於你18歲，相信未有初期資金，這段時間靠高時薪工作，去助你累積基本財富，這一步是重要的。
打工不是無價值
因此，打工不是無價值，但如果你每月打工後，都無資金剩，這就有問題。不過，如果打工影響你學業，影響了你長遠的業業發展，就要停，所有考慮點，都是長期情況，怎樣令你在資金上、經驗上、能力上、事業上，長遠發展最好。
好好利用現時的時間 為「長遠的自己」打算
最後，你要想想你現時的大學學科，對你長遠的幫助，以及你自己本身想的長遠目標，睇下條路點行，最能夠助你行到去長遠的目標。好好利用現時的時間，為「長遠的自己」打算！
（上述文章只是分析，只供學術性質，並不構成任何投資建議或邀約，投資者在投資前，請自行花時間了解，才決定是否適合自己。）
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。