【理財個案】讀者：老師， 我有三個證券戶口，剛剛計一計，原來小米令我蝕了21萬， 但係我又唔甘心蝕放！唔知放多兩三年有冇機會平手？我以後都唔夠膽買這些高風險股票。情願，買收息股仲開心！
持有小米超過一年了 越跌越多
我發覺一買得大少少就蝕一鑊咁，基本上持有小米超過一年了，越跌越多！我還發覺你在fb建議的股票，通常賺錢的都冇我份，但蝕的永遠有我份。真係成日都咁啱得咁蹺，開始失去信心了。
龔成老師分析︰長線都輸 肯定係技巧和心態出事
坦白講，我覺得你一直都正視自己問題，有少少想懶在「運氣」身上，對嗎？我再具體講一次，折解翻你現時真正面對架問題。你要知道，一次半次，可能係運氣問題。但長線都輸，肯定係技巧和心態出事。
你現時問題，主要係以下4樣︰
1) 你要明白一個概念，我地持有一隻股票與否，關鍵位是企業質素、前景，不要被買入價影響。因為買入價已經係一個沉沒成本，你唔可當佢係一個神聖價位，因為已經無參考價值。未來持有與否，係應該睇翻企業本身。
小米1810長線質素無變 可以守
如果企業質素轉差，就要賣出。如果企業某些核心優勢減少左，就有機會減持，因此，我地要分析企業的核心因素，一些長期的賺錢能力，有無改變。(小米1810長線質素無變﹐可以守，我自己都無沽過貨。)
其中一個成功要素
2) 肯長線持有，等企業成長，只係其中一個成功要素。但仲要係「優質股」(如小米)，同埋要識「估值」，係「合理，甚至平宜」時入市，先至會成功。因為再優質架股票，買貴左，都會好似你而家咁，輪錢。
買收息股仲開心 係風險取態
3) 你講架，買收息股仲開心︰而個係風險取態，同年紀問題。當我地進行人生財富累積時，會運用「先增值，後現金流」方法。年輕人應著重於增值類資產，而較年長的，就應著重保守類別。因年輕人財富系統未成形，同時負擔較少，可以承受較高風險，所以應以增長為先。
年青至中年 唔應該買收息股
例如初期投資較有潛力股票，令財富增值較快，到一定金額後，可轉較平穩增值的股票。最後有相當財富時，才換成收息股去為自已創造穏定現金流。如果你年青至中年，唔應該買收息股，因為佢增長力太弱。相反，你真係好保守，或者近退休之年，收息股反而更適合。
再保守的股票 都係一樣可以輸錢
4) 我覺得你要做，唔係轉得更保守咁投資。因為再保守架股票，都係一樣可以輸錢，只係波動大小架問題。所以，你首要做係解決自己投資知識架不足。最後，我建議你盡快上我股票班。因為你已經蝕唔少錢，是時候要正視。好多同學上完堂，長線都可以解決到自己本身架問題，止虧為盈。
當然，而個轉變唔係一時三刻，而係要用年計架時間。但你睇我FB，不時都有同學報喜，達成人生首個100萬。其實而D同學，唔少係好似你咁架經歷，但最尾肯學習和比耐性，先成就到今日架成果。佢地可以，相信你都可以。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。