【理財個案】龔Sir你好，我現在40歲，同太太2小朋友在加拿大，依家兩個都有工作，不過相比喺香港嘅收入少咗，每月家庭總收入大概$40000港幣，之前都有上過你嘅投資課程，所以之前都有月供股票，以下係我嘅股票分布。
股票分布：
- 0005匯豐：883股
- 0066港鐵：2203股
- 0388交易所：218股
- 0700騰訊：166股
- 0823領展：956股
- 1211比亞迪：155股
- 1810小米：1553股
- 1928金沙：1756股
- 2382舜宇：826股
- 2800盈富基金 ：3672股
- 2845中國電車：50股
- 3067安碩：600股
- 9988阿里巴巴：200股
現住加拿大 已經沒有月供股票
想問一下，我地依家喺加拿大，已經沒有月供股票了，不過依家對9880優必選同美股英偉達有興趣，我應該繼續持有上面嘅股票，另外再月供或分注，還是放咗上面其中某啲股票嚟月供或分注？
應否再投資科技股 想買美股
另外，我依家嘅情況，應該再投資科技股，定係平穩收息股？如果買美股，我知道係冇得月供的，用香港嘅平台買，手續費是否比港股貴？我地本身係用恒生銀行户口買港股的，美股也可以用恒生户口嗎，還是用其他交易平台買？謝謝
龔成老師分析︰40歲 應以增值為主
首先，你現時40歲，應以增值為主。平穏增長股和潛力股，大約6:4比例。你現時持有股票，都有長線投資價值，但留意幾點︰
- 長線盡量在10-15隻以內，咁會易定期審視質素變化。
- 0005主要係收息，0823和1928近年質素都弱左，這些長線不宜持有太多。
- 長線加少少美股，平衡地區性風險。英偉達(NVDA)係一個合適選擇，但始終唔平，你可以長線月供去慢慢儲。
- 如果每月有一定閒錢，同時又有半年至1年生活費備用，建議重新再月供或分注優質股。
優必選長遠有發展力
優必選（9880）主要從事智能服務機器人及智能服務機器人解決方案的設計、生產、商業化、銷售及營銷以及研發。這是其中一間，有一定實力的機械人相關公司。企業長遠有發展力，不過，行業都有一定風險，始終較新興，財務數據也不算好強。投資暫時只宜小注。
產品範圍涵蓋消費級機器人及電器
產品在不同程度上配備了感知、交互、分析及處理人類指令及外部環境（如建圖、溫度測量及人臉識別）的智能功能，範圍涵蓋消費級機器人及電器，針對教育、物流及其他行業定制的企業級智能服務機器人及智能服務機器人解決方案。
業務雖然有發展力 但生意波動大
業務雖然有發展力，但生意波動大，風險較高。暫時只建議小注投資(故不適合月供)。同時，一定要明白風險，低風險者不宜。
美股其實可以1股股買 恒生都有美股服務
- 美股其實可以1股股買，你自行每月買少少，咁就可以。如果較貴美股，可以每2個月買1股咁去儲。
- 恒生都有美股服務，你開個美股戶口就得，當然你用其他合規證券商/銀行，都係可以。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。