讀者來信｜Anthony Sir你好，呢幾年科技發展，世界也真變得太快，普通人實在難以適應，成日聽見內地朋友話要躺平，聽講話一間細價樓就夠他們在大陸財務自由，真係咁誇張？條數點計？
回覆讀者來信
有內地朋友計過我睇，真係喎！一間細價樓就可以財務自由！
香港人成日話買樓就是「樓奴」，又話年青人唔買樓，最主要原因是因為他們沒有看清，樓其實不是一層樓，而是一項資產，可以帶給你現金流及被動收入。原來有很多內地買家已經計準條數，靠一間香港的細價樓就真係可以「躺平」——唔使996、唔使內捲，每日飲茶睇報紙，仲可以北上食野玩野！呢個唔係天方夜譚，而係真實嘅財務自由方程式：非工資收入（被動收入）多過日常支出。
想像一下：在香港生活，如何才可以財務自由？三層樓！
自己住一層，另外兩層收租，基本生活問題就解決了，也是的，但要有三層Full Pay樓也不容易，一層要自己供，另外兩層租客幫你供，你最少要有幾百萬首期，然後租客幫你供30年，當然如果你懂得低買高賣，過程就快好多。但是對於內地人來說，一層就夠！香港租金回報高到爆：「香港一層細價樓，夠我哋內地躺平！」
聽落好誇張？來！筆者計條數俾大家睇，活生生、笑得出！
財務自由方程式：被動收入 > 支出
簡單嚟講，財務自由就係唔使靠人工過活，被動收入（租金、股息、利息等）已經Cover晒食住行同埋小確幸。
近年租金不斷上升，樓價就掉轉跌咗三成，就算現在回升一成多，距離高位仍有超過 20% 的空間，當一層 400 萬的細價樓計算，收租基本都有 12000~13000，回報約 4%！內地朋友笑住講：「香港400萬樓，租到萬幾蚊，內地生活已經好夠！」又係喎，大灣區租個千呎單位不用 2000 元，內地消費也便宜，10000 元已經可以過不錯的生活了，不是一層細價樓就可以躺平嗎？
做按揭也可以！假設買入價400萬，借五成按揭…
200萬貸款，利率3.25%，30年還款，月供大約 8,700 元！
月租保守估13000，扣埋管理費、差餉、地租、維修等，約每月1500-2000，淨現金流每月2000-3000 元！是的，有點不夠用吧！那如果將單位增值呢？假設我們經常提到的學生宿舍，將一個兩房單位改做三個單間，每個 6、7000 元，月租就可以貼近 20,000，扣除持貨成本及管理費，大槪都有有接近 8,000~10,000，在大灣區的二三線城市，例如惠州、肇慶等，也夠躺平了。萬一買到筍盤，樓價升，又賺多一百幾十萬，不爽嗎？
如果有 4、500 百萬現金，買兩層…
每個月就有 16,000~20,000 了，在大灣區生活簡直就是富裕了。內地朋友笑住話：「夠我同太太內地二線城市食野玩野，每個月仲有剩！」呢個就係「一層香港樓，內地躺平」的真實版！點解而家係好時機？最新數據話你知，去年開始樓市見底復蘇，細價盤成交量爆70%，不過價錢仍未搶高，因為這些剛需上車盤，內地人稱老破小，暫時仍未是主流，如果收租的話買市區單幢樓仲平，收租回報仲高，絕對是潛藏的財務自由躺平神器！
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。