【理財個案】讀者：老師，現在手上 939 建行 和 1398 工行，分別有50% 和 30% 升幅，作為收息之用，是否應該繼續持有？可否加碼？現價在那個區別？謝謝老師。
龔成老師分析︰
1) 我地持有收息股，主要係為獲得穏定的被動現金流收入(即係股息)。所以，會比較適合退休、年長、投資經驗淺，或者風險承受力好弱的投資者。由於目的係收息，所以股價變動(升或跌)，其實唔係我地主要考慮因素。反而，派息穏定性、股息率、派息比例才是較重要的因素。
一直派息穏定 係無必要沽
因為如果佢一直派息穏定，其實你係無必要沽佢。故股價變動，只係心理因素，唔應該影響你投資決定。除非佢派息政策有大變，我地才會考慮減持。所以，由於你係退休人士，故保留一直收息就可以，不應將焦點放在股價變化。
建行、工行 現價合理
2) 0939和1398現價都合理，但個別股和個別行業不要高於組合15%和30%。所以，你自己睇翻情況，決定是否再加少少。
已退休 潛力股類風險高 未必太適合投資
3) 考慮到你已退休，之前問我架吉利汽車(0175)和零跑汽車(9863)雖然有投資價值，但都係潛力股類，風險高。以你已退休狀況計，未必太適合投資。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。