【樓市走勢】讀者來信：Anthony Sir你好，之前一直有睇你的專欄，2024年底本來睇好一個將軍澳兩房，業主開價650萬，原本想要上車，但見網上很多人唱淡，猶豫咗兩個月，結果拖到今天，同一間單位已成交780萬！短短一年半，足足貴咗130萬！點算？
回覆讀者來信：好多上車族都係咁
點止你一個？其實好多上車族都係咁！由2019年社運開始，樓市差咗幾年，直至2025年3月見底，當時全港媒體都係淡淡，末日博士葉教授更豪言樓價要跌7成，全港好多需要上車的朋友都變咗「觀望族」，結果過去一年樓價反彈，部分屋苑累升15-20%，等咗咁多年就等呢個機會，就咁錯過咗！
樓市寒冬已過？數據講事實
睇圖表中原指數現在是一個大圓底回升，樓價及成交量都遠比之前幾年高，是一個很健康的回升形態。各區的戰況如何？過去兩年我們都有很多會員撈底成功，看看他們講番與現在的樓價分別…
- 沙田第一城，有會員去年380萬買入入場版，最近成交約450萬…
- 屯門瓏門，有會員去年600萬買入兩房，最近成交約730萬…
- 啟德嘉峰匯，有會員去年520萬買入入場版，現普遍叫價680萬…
- 日出康城Seasons，有會員抽到660萬兩房，現普遍叫價780萬…
- 啟德天璽天，有會員抽到600萬一房，現成交約750萬…
- 黃竹坑Blue Coast，有會員抽到三房1700萬，現在要2000萬以上…
去年買的 已賺了100萬以上
仲有好多好多，新樓如Sierra Sea、皇都、南首、Woodis等等，成交價都升了最少100萬了，二手細價盤如港島西、灣仔、屯門、天水圍等等都升60~80萬，總之最多人唱淡的時候，往往就是市況最差的時候，去年買的，已賺了100萬以上了。
眼白白睇住樓價升
相反沒有把握機會上車的，就眼白白睇住樓價升！成日都話等跌市買，等市差買，最後到跌市的時候，聽着其他人唱淡就不敢買了，甚至有很多Post說，買樓是老餅嘢，住可以租，年青人唔需要買樓等等，其實樓除了是安身之所，只要把握到好的時機，還是你的資產，將來幫你達至財務自由。
樓市大圓底反彈 基礎強而且全面
最多人想知道的應該是，當然有！大把！去年買到當然恭喜，但是贏得不安心，因為你都唔知個市會跌到幾時，但現在就不同了，樓市大圓底反彈，基礎強而且全面，趨勢可以說已確認，買得安心，最重要現在中原指數只是157點，距離高位191點還有兩成的空間，如果你相信樓市最終都會重返高位，錯過了100萬，還有200萬。
好幾個地區一手新盤已經率先重返高位
那些地區升幅領先？重返高位？說笑吧！其實有好幾個地區，一手新盤已經率先重返高位了，例如港島西區新樓呎價已經賣到3萬，另外最近土瓜灣區氣勢強勁，新樓呎價已經賣到2萬多，幸好二手市場還有不少筍盤，有興趣的朋友可以加入成為我們的會員，幫你篩選合適筍盤。
未來有甚麼正面及負面情況呢？
正面情況，需求不斷增加，雖然很多人北上，但來港的內地人及學生更多，人口正在增加。另外最重要的是，本地的剛需人口仍未進場買樓，他們仍在觀望猶豫，若他們進場就一發不可收拾了。負面情況，未來仍然可以有很多供應，尤其是北都，要極為小心。
未上車的，好好把握機會！
作者簡介：1% Anthony（ 第一桶金）、一巴仙（1%）投資培訓學院創辦人，TVB有樓萬事足、BenSir睇樓團II等顧問，多年來協助無數年青人成功上車，無數小業主倍增資產，財務自由！除了住宅，亦活躍於大陸樓、工商廈活化重建等，團隊是市場上最活躍的新晉發展商之一。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。