【理財個案】讀者：老師你好，我感覺搵工嘅事一時三刻已經毫無辦法（已經失業半年），但問題一定要解決（自住交租同還卡數），卡數其實好大部份已經係分期（交租個月4k，分期大概4.5k），所以卡數唔可以再分期。

理財個案｜已失業半年 可動用資金不多

手上可以動用嘅資金得番月供股票（只有約 10,000元），勉強只能支持到今個月的開支，請老師給予關於收入既解決方案。

龔成老師分析︰現時狀況 不宜投資

我建議你一切要生活為先，以你現時狀況，不宜投資。你可以分注咁，慢慢套現，先去支援生活。到未來每月穏定有閒錢，才慢慢再月供翻。至於負債，咭數除左分期，你可以找下一些較長線(同時利率較低)的還款計劃，去長線減輕你每月壓力。

先找兼職 盡量減輕生活開支

而工作，我都明白現時就業市場較弱。你盡量未有長工，都先找些兼職去做住先，盡量減輕生活開支。另外，睇下有無可能，唔租屋，回去跟家人同住。最重要，係盡量減少現金流壓力，先處理好生活，之後再去投資。

新一年，祝你事事順利，盡快找到新工作。

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。