【理財個案】讀者：Sir 謝謝你解答。我補充少少，幾年前問過你教育基金嘅問題，當時你建議月供盈富基金，我供咗三年多盈富基金，遇着大跌市，當時越供越灰，回頭看係個好時機。
理財個案｜供咗三年多盈富基金回報近20%
供咗3年多盈富基金，回報差不多20%。但近半年停咗，轉供小米及舜宇。看完你的解答，我收改供小米及voo 各$1500。因為盈富基金之前已供過只是停供。
定期利息低 想將定期錢轉買收息股
盈富基金現在有3641股，如果大市跌會買少少到4000股。其實有少少利是錢去做了定期，不過現在定期息好低，我有考慮將定期錢轉買收息股。太多問題，謝謝你寶貴時間解答。
Sir，Voo現在差唔多630美金一股，如果每個月供$1500咁要好幾個月才有一股
龔成老師分析︰建議你2800照供落去
我建議你2800照供落去，因為現時2800未貴。同埋，長線佢具有投資價值，同時都有高架分散風險能力，適合作為教育基金重心(唔建議長線完全唔再供)。如果你想保守少少，轉D去收息股係可以。但你要明收息股係穏陣，但唔會好似”定期”咁保本，佢都會有波動。
值得考慮的收息股
以下是一些值得考慮的收息股，你都可以參考下︰目標是5%以上股息率的收息股，例如高息基金（3110）、港燈（2638）、深高速（0548）、香港電訊（6823）、工行（1398）、置富（0778）等都可以，你可以了解下，並從中選股。
超過8%的高息股 股價就略有風險
由於收息股股價都會有上落，因此要控制每一隻佔股票組合的比例，不能超15%，最好在10%以下，而3110由於是一個組合，比例可比個股高。另外，有些更有超過8%的高息股，但股價就略有風險，你可以小注考慮，例如佐丹奴國際（0709）、中石化（0386）、偉易達（0303）（記住，股價略波動，不能太過大注）。
至於VOO月供，你可以儲埋3個月先入一次，或者找一些可以月供VOO架平台(咁就唔洗一次買一股)。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。