【理財個案】讀者：龔sir你好，想請教你一下，最近金價升得好犀利，我打算將結婚用嘅部分飾金拎去賣。畢竟佢哋擺喺度又冇現金流，所以想賣咗佢套現，將筆錢放去高息戶口收下利息。之後，再考慮每個月月供一啲潛力股或者優質股。
理財個案｜金價升得勁 套現收息投資
你覺得我呢個做法可唔可行？有冇啲咩潛在風險？會唔會唔太恰當？希望你可以分享一啲專業意見同經驗，等我唔會因為經驗太少而行錯步。非常感謝你！祝你身體健康！
龔成老師分析︰要明白黃金的作用
首先，你要明白黃金的作用。佢主要唔係用來增值，而係用來對沖極端性金融風險。黃金是貴金屬，有「終極貨幣」之稱，是人類自古以來的貨幣，因此，有持有價值，而現時我地的現金，一定長期貶值，所以黃金長期會向上。
建議黃金佔財富組合2-5%左右
不過，黃金沒有現金流，持有無法創造出經濟價值，其主要作用是對沖黑天鵝事件。所以，你可以投資黃金，但不用佔財富比例太多，我一般建議係佔財富組合2-5%左右就足夠，而且持有的應該為實金。
除了投資價值 也有紀念價值
所以，如果你手上架金，佔組合比重係高，你可以沽少少，換碼係其他資產。但如果唔多，偏向建議你保留。同埋，因為佢係你”結婚用飾金”，除了投資價值，也有紀念價值。所以，你就算高於2-5%，也可以考慮保留。
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。