【理財個案】讀者：龔sir你好，請問我應如何做好？我有一個小朋友，小學，我要湊佢照顧佢番學接放學 時間上好難做全職，好難儲到多點錢。
理財個案：成日湊住小朋友好困身
如果我去做全職，要老爺奶奶幫手湊，但我放心吾落，佢地比零食，手機，熱氣食物，小朋友跟著佢地好容易病，到時都系我執手尾，系吾系我諗法有錯 應該放手比佢地湊？但我成日湊住小朋友好困身，做吾到野，又要顧家務飲食。
老公孤寒 想趁後生搵錢提高財政自主找回尊嚴
我身體弱點，捱吾到夜，我得自己算後生，覺得時間好浪費。我老公較孤寒，好多方面都慳住慳住，變相我覺得要自己搵錢先有尊嚴！
個案重點：
- 家庭主婦
- 有一個小朋友
- 時間上好難做全職
- 好難儲到錢
重點目標：
- 如何平衡家庭與工作
龔成老師分析：這是一個不易解決的問題
這是一個不易解決的問題，但我反而會建議你，首先同你先生傾下你這刻面對的情況，你心中所想，是否能配合得到。一個家庭不是你自己的事，是全個家庭的事，大家都要想方法，怎樣做才能令每一個家庭成員，都得到自己想要的野，同時這個家庭運作又正常。
可以考慮一些兼職
你這刻的情況，要全職出來工作的確不易，但都可以考慮一些兼職，又或找一些網上工作的工種，例如在家中較彈性完成某些工作就收錢（不是計時薪，是計完成工作）。小朋友小學，你可以有少少時間做到的，但就要想想怎樣安排得最好。
可以將部分家庭工作 分比家中不同的成員
同時，你可以將部分的家庭工作，分比家中不同的成員，例如接小朋友翻學放學，能否比老爺奶奶幫手，即是佢地只做一些較簡單，令你較安心的工作。
同時，你可以同佢地多溝通，表示怎樣湊才是對小朋友最好，其實，好多野你要同佢地講背後的原因，而不單是叫佢地怎樣做。
最好多溝通令大家明白現時的情況
至於你先生，可能因為家庭支出大，同時只有佢一份收入，所以很多細節都要慳，有時可能令你感覺上失理財的自主權，你地最好多溝通令大家明白現時的情況。如果溝通後，你有時間做兼職，全家上下都能配合到，相信對你們家庭理財上，的確能改善的，可以儲到錢。
生活有時需要我地的智慧，但解決問題並不是得一個方法，加油！
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。