前財政司司長曾俊華在社交平台撰文，相信2025年國際社會環境會出現很大變化，尤其是特朗普下個月就任美國總統之後，會有哪些重大舉措，都難以估計。他更提到，大家預期明年利率會繼續跌，但最後可能反而會出現加息，坦言迎接2025年時，要有面對風高浪急的準備。
曾俊華：相信2025年國際社會環境會出現好大變化
展望2025年國際社會環境，曾俊華相信會出現好大變化，他指：「英文有個說法，the only thing that is predictable is its unpredictability，唯一可以預期嘅事，就係將會出現一啲不可預期嘅嘢。」
特朗普舉措好難估計
尤其是全世界都密切留意特朗普下個月就任美國總統之後，世界局勢會出現甚麼變化？曾俊華坦言：「佢係一個冇任何政治意識形態嘅神經刀人物，做事冇乜章法可言，所以佢對各種重大事情嘅想法係點，會有乜嘢重大嘅舉措，都係好難估計。」
可能會有好多驚人發展都唔定
例如若美國真的要退出世界衛生組織WHO，世衛失失美國這個最大資金來源後，全球應對重大公共衛生危機能力將會造成甚麼災難性影響，就無法想像！俄烏戰爭及以巴戰爭又可否短時間內解決？中美拗撬會否出現戲劇性轉機？「明年嘅國際局勢，就可能會有好多驚人發展都唔定。」
息口最後可能不減反加
曾俊華又提到，例如現在很多人預期明年利率會繼續跌，但最後可能反而會出現加息，去壓抑到時標高的通脹，到時樓市大冧又會否重臨呢？
講到香港財赤問題，六個財政年度內總共有五年出現千億財赤，連年出現巨額赤字，可以點樣去扭轉呢？曾俊華坦言，大家迎接2025年時，都要有面對風高浪急準備。
