理財個案】讀者:老師,我今年28歲,手上持有買入450萬的物業,跌咗70萬,39年樓齡,自住用。值得持有到老死嗎?

理財個案|龔成老師分析︰自住樓最重要是適合生活需要

自住物業的話,最重要係佢適合自己長期生活需要(講緊最少未來10-20年)。同埋長線有信心供得起,咁就可以好多人會將投資因素,放埋落自住物業度考慮。我唔會話錯,但其實未必有太大架必要。

自住樓價格變化只影響心理

因為自住物業,就算佢升定跌,一般人都因為咁去輕易沽出佢物業(除非你長線可能因為家庭需要,會打算再換樓,咁就另計)。即係話,個物業價格變化,好多時只係影響緊你心理,而非實質。

反而,你供款出問題,就真係有機會影響你持有物業架狀態。或者佢已經唔適合你居住,先至有機會去進行換樓。所以,「生活需要」同「供款能力」,永遠先係自住樓優先考慮重點。

仲好後生 未來大有機會要換樓

不過,你仲好後生,未來大有機會要換樓。(畢竟物業有一定年資,同埋你可能會成家之類。)所以,你長線都要計劃下未來換樓方面架財務安排。因為物業樓齡太高,新投資者較難承造長年期按揭,令到物業價值減少,變相增加左樓換樓架成本同難度。

更多理財方法及股票投資入門內容

按此免費訂閱《香港財經時報》HKBT 新聞快訊

作者簡介:龔成(龔成Facebook專頁)是財經書作者,至今出版超過10本財經書,包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等,過往曾以萬元月薪滾出數百萬,現為股票班導師,身家過千萬元。

免責聲明:本網頁刊載的所有投資技巧及分析,僅供參考用途。讀者作出任何投資決定前,要自行判斷及審慎處理,更要自行掌握市場最新變化。若不幸招致任何損失,概與本網頁及相關作者與受訪者無關,本網頁概不負責 。而本網頁所有專欄作者的觀點,不代表本媒體立場。