【理財個案】老師，我將與租客續約，

  1. 如果嚟緊係租期內可能會有大維修，應如何傾租約條款 ？
  2. 租客經常遲交租， 可以如何利用條款改善？
  3. 還有，樓價一直向下，我現在變賣會虧損。是否應該繼續放租，等待樓價回升？我應該點考慮？
  4. 老師，再問多一問，租約通常一年死，一年生。如果簽咗租約，係死約期想賣樓，通常可以點樣處理？
  5. 我聽過可以兩年生約，但係咁樣租客可以隨時走，對業主冇保障？兩年生約係咪都唔常見？我係咪都係一年死，一年生好啲？

謝謝你的意見。

理財個案｜龔成老師分析︰

  1. 你係指自己單位內，會進行大維修？如果係，建議你完左約先做。
  2. 我會建議你換過個租客，因為條款點改善都好。佢唔交，最多都係法庭追。一係你要佢一次過交定多D租，或者訂金，先簽約。
  3. 而個問題較複雜，要睇翻你自己身財務規模同狀況。簡單咁講，我預未來香港樓係平衡發展，唔大升，又唔大跌。至於你物業是否沽出，可以睇翻個物業長線質素，如果已經舊，預期未來租金會一直下跌，甚至本身個租金回報率都唔理想，長線你都要找個機會沽出，換成其他較優質資產。
  4. 生約期內出售，一般只需要一個月通知(實際要睇翻租約條款)，就可以叫租客離開，將單位交吉出售。但如果係處於死約期做交吉出售，就要同租客商討額外賠償問題(一般係餘下租金和一些雜費)。
  5. 至於可否2年生約，我就無太大印象。不過，有1年死約，某程度對業主和租客，都係一個穩定性上保障。

更多理財方法及股票投資入門內容

【按此免費訂閱《香港財經時報》HKBT 新聞快訊】

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。