【理財個案】讀者：我係初初開始買少少股票，我朋友幾個月前買咗Nvidia，佢攞咗大部份身家買，而家升咗一倍！夠錢買返一間平價樓，咁我睇返其實原來啲人話依隻股票會不斷升肯定唔會跌，起碼升多一倍！因為佢係獨家， AI概念，全世界只有佢。
理財個案｜投資點解可以咁犀利呢？
我本身唔係咁叻投資，比我真係唔夠膽放咁多錢落去，雖然話一定贏，當然羨慕佢；但係我就諗緊，如果個個都知道嘅嘢，咁點解要返工呢，轉吓手就將你所有嘅資金賺一倍！投資點解可以咁犀利呢？其實佢都係聽人講然後再望吓，咁後來我就跟風！不過都要9,00買入！
點樣去諗投資先係啱呢？
同埋買咗唔係多，輸晒我都仲可以接受，不過我而家諗，其實我咁樣投資，係賺唔到大錢，咁點樣去諗投資先係啱呢？我係想問吓其實投資嘅態度應該怎樣？同埋嗰個知道嘅嘢，如果嗰隻股票個個都大賺，係咪冇人會輸呢？有冇啲書介紹？其實係點樣運作？純粹想知道，覺得好神奇。
龔成老師分析：朋友的做法是高風險
我過往做了銀行及證券行10年，見證了大量散戶的買賣成績，你朋友的做法，是「高風險」！因為集中投資在一隻股票，加上這股本身的上落大，其實風險好高，我過往見到有人，的確能憑這方法，賺到大錢，但輸好多錢的人也有不少。
我只能用統計學話比你聽，這樣買一隻股票博大賺的人，成功只是少數，多數都是失敗！這是事實！
投資不是賭博
買股票就是買企業，如果企業之後有增長，股價就有機會增加，如果增加不及預期，股價就會跌。如果一間企業，之後有發展，就值更高的錢，就有人願意用更高的價錢去買你的貨。記住，我哋投資，不是賭博，投資是理財的一部分，我地要在「可承受風險的情況下，爭取合理地的回報」。
要建立一個組合 並不是集中在一隻股票
要建立一個組合，並不是集中在一隻股票，同時要長期持有，能短期有高升幅股票其實不易（同時有風險）。因此，建議你先從基本知識著手。
你可以睇《圖解股票小百科》這書，是入門類。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
