【餐具禁膠走塑】第一階段管制即棄膠餐具措施昨日起實施，禁止業界銷售和免費供應受管制即棄塑膠產品，包括禁止向堂食及向外賣顧客提供膠叉、膠刀、膠匙、膠飲管，及所有發泡膠餐具。
叙福樓黃傑龍：一次性終極走塑免麻煩
昨日措施公布後，叙福樓主席及行政總裁黃傑龍同日晚上即在其Facebook專頁宣布：「公司四大主要品牌，即牛角、牛角Buffet、牛涮鍋MMC及溫野菜，已索性全面放棄外賣只做堂食，反正我們外賣生意也不多，一次性終極走塑免麻煩。」
絕對不是軟對抗或反對走塑
此帖一出即引來不少迴響，不少網民紛紛到其專頁留言討論，其中有網民指黃傑龍此舉屬軟對抗或者反對走塑。今早當事人再出帖文反駁說法，他稱︰「有人話我咁樣係軟對抗或者反對走塑，no no no no，絕對不是」
強調減少使用即棄塑膠嘅方法有好多
他解釋：「我只係話俾大家知減少使用即棄塑膠嘅方法有好多，包括堂食，或者使用可重用餐具喺屋企或者寫字樓食外賣等等，要睇你自己嘅情況，要從心出發，否則你用比較貴嘅價錢去買一套餐具然後即棄，表面上係合法但係更加唔環保，或者我見到好多人講到件事好極端好似世界末日，不是的，簡單到去堂食已經解決咗㗎啦，關鍵係係咪適合你。」
網民：推動堂食 全面帶動經濟
此帖文亦引起網民熱烈回應，其中網絡紅人Matt Leung也用其獨特的文字留言指：「我宣布吾食先系朂环保」另有網民回應：「原來走塑都可以令多啲人出街，推動堂食，全面帶動經濟，得你睇得出政策用心良苦，邊個話你軟對抗。」
