相信不少人都會用信用卡來網上購物，甚至賺取積分，最重要還是要準時找清卡數，以免被收取額外費用。但原來提早找卡數都會被收取利息？有市民在連登討論區發文表示自己提早找清卡數，但發現賬單上顯示自己被收取400多元的利息。
在連登討論區發文
事主指自己在1月19號碌卡，卡數撥去2月份，2月份的賬單是3月1日前交，事主於2月21日交妥。而事主發現3月的賬單多出400元利息（finance charge retail transaction）。他曾致電客服詢問，但無法聯絡職員，於是在連登發文求救。
網民回應
由於事件純文字討論，事主亦沒有放任何截圖供網民了解。不少網民都在猜測原因：
找漏毫子尾數？
但有網民即時回覆：「就算真係找漏毫子都唔會400幾蚊息」，事主亦現身，指自己「一仙都無差」。
有網民詢問事主是否搞錯截數日和繳費到期日：
會唔會3月1係下期截數日，而唔係繳費到期日？
事主表示「3月1係payment due date 付款限期」。
1個原因誤墮陷阱
正當網民不停討論事件時，事主終於獲銀行回覆：
用積分扣咗嘅錢係扣喺下期嘅數，不過系統會當今期已扣數，所以會當你交唔足錢。當你碌咗$10,000蚊，佢比你用積分扣$100蚊。咁你交$9900。咁你就中咗計。因為系統當你只係交左$9900，係欠$100。
原來事主用積分找部分卡數，而誤以為積分扣除的是今期卡數。
有網民在真相大白後都表示自己曾經遇到同樣情況：
- 「你係咪用積分找數？我都中咗招，話積分找數唔可以計落嗰一期嘅單，只可以計落下一期。所以技術上你變成冇還到卡數。」
- 「呢個我都試過，就咁樣俾佢罰咗幾百蚊Finance charge」
- 「我上年都試過，用咗張卡咁多年好肯定以前係可以計落同一期」
- 「我上次就係咁！！！」
信用卡條款
翻閱該銀行條款，列明「賬單信用額將會抵銷合資格客戶認可卡下一期之月結單總結欠，而無法抵銷已發出之月結單最低付款額或總結欠。合資格客戶須依認可卡合約條款每月償還已發出之月結單最低付款額或總結欠的全數款項。」事主仍需繳付條款中的「已發出信用卡的總結欠」。若果沒有仔細留意條款的話，真的很大機會會誤墮陷阱。
