【理財個案】港股仍然未有起色，投資組合中我股份如下跌蝕錢，的確令人擔憂。有讀者問：海底撈點睇？又有讀者指，投資吉利由賺變蝕，應該點做？
理財個案（1）海底撈前景
龔成老師分析：海底撈（6862.HK）短期業務仍會因中國經濟波動而有影響，長遠來說，這股仍有質素的，佢以「海底撈」品牌經營火鍋店及外賣業務，火鍋菜單由鍋底、醬汁蘸料以及在鍋底烹飪的食材三個主要部分組成，可點單鍋、鴛鴦或四宮格鍋底組合，餐廳提供多種調料及食材，以及供應小吃、酒和飲品。
在中國有好多分店，以及外國都有。有規模，有品牌，整體正面。相信長遠仍有發展的。但相信以佢的情況，仍要弱一段時期。
這股市場之前比佢好高估值，就算近期回落，最多只能稱為合理區中下，一定未平。 如果有貨可長線，但不建議持貨多過，但無貨暫時只建議小注，股價始終波動，行業仍有不確定性。
理財個案（2）吉利由賺變蝕應點做？
龔成老師分析︰其實你先要諗返，做長線投資初心。點解一隻優質股係需要長線持有，同時當切投資佢架目的。 你要明白，現時全球衰退風險、通漲問題、地緣政治和戰爭危機依然存在。
表面上，經濟好似復常，但另一邊大型企業正不斷裁員，難言經濟理想。 現時面對係過去20-30年以來最複雜環境，好多問題都一次過發生。
預中短期一定會好波動
所以，你預中短期一定會好波動，但我會邊穏陣投資之餘，都會同時找尋市場機會。 吉利（0175.HK）過往質素不差，但近年增長力有所減弱，以及賺錢能力都有所減弱。
近年受新能源車市場影響，令賺錢能力受到影響，其實這企業已經加快轉型，近年年報也有提及「本集團以新能源轉型作為經營重點，大幅加快新能源轉型步伐。」
短期仍會較一般
中長期來說，要新能源車有較理想的銷量，同時當中的毛利率要明顯提高，才能帶動這企業全面回勇。整體來說，這企業並不是無質素，但短期仍會較一般，至於中期期能否好轉，就要睇上述所講的因素。
不過，要留意佢整體的不確定性增加左，因此值得投資的金額都會略為減少。 若果你對我想法唔太有信心，你可以從以下因素，去自行判斷自己走向。
每個人對市場睇法和風險承受力不同
因為每個人對市場睇法和風險承受力不同，你可以自己都諗一諗，到底佢投資價值是如何。最重要，唔好錯誤將個焦點放係「今日」個股價，而錯過未來架成長空間。
若你依然相信新能車市場依然有一定成長空間，同時長線經濟會慢慢復常，吉利技術和品牌係市場上有一定優勢。咁你係應該照持有，直至新能車市場成熟晒，企業價值完全反映才沽出。
要好強心理素質和客觀視野
相反，你覺得新能車市場已經唔會太大成長空間，同時經濟未來好長時間都唔會轉好，又或者吉利係而個新能車市場架競爭力，已經係半敗陣狀態，無力改變而個劣勢，你就應該開始減持。
記住，成功投資者，除了要掌握好價值投資技巧外，仲需要好強心理素質和客觀視野，去令自己可以做出理性決定。這才可以令自己長線投資回報，比坊間散戶更優勝。 加油！
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
