龔sir你好，我很想請教你，我手上持有的貨很多都是蟹貨，我是否應將這些轉換到其他股？希望龔sir你可以打救我，日日見住這些股下跌，好心噏。
持有股票：
| 股票 | 數量 | 買入價 |
| 阿里健康 | 4000股 | $8.3 |
| 平安好醫生 | 700股 | $21 |
| 安碩 | 1600股 | $13 |
| 騰訊 | 200股 | $500 |
| 長城 | 1000股 | $13 |
| 京東 | 350股 | $180 |
| 嗶哩嗶哩 | 100股 | $330 |
龔成老師分析︰大市中短期會較弱
現時大市受通脹、加息、戰事、中國房產、疫情等因素影響，中短期會較弱。但只要企業有質素，長線一定會回歸合理值。首先你要明白一個概念，我地持有一隻股票與否，關鍵位是企業質素、前景，不要被買入價影響。
買入價只是一個心理因素，如果企業核心因素未被影響，我哋係唔需要理會。所以，你唔好因為「股價跌」，就將佢同「長線投資價值跌」呢兩件事掛鉤。如果企業無質素，要賣，如果有質素，就有很守。
持股大部份都係風險較高類別
睇返你現時持有股票，都係有長線投資價值，但要留意以下幾點︰
1) 大部份都係風險較高類別，特別係阿里健康（0241.HK）、平安好醫生（1833.HK）風險就更高，這些股票不宜持有太多。因為佢哋不確定性大，當市弱架時候，會明顯跌得多個大市。當然發展成功，都會升得比大市多。但我哋唔係賭錢，所以要平衡去配置，唔可以全部股票集中高風險類別。
若你係年青至中年人士，建議將上述股票部份﹐換至平穏增長股。若你係較年長，上述股票更應只佔組合小注，其餘以平穏增長股為核心。
具質素的平穏增長股參考
以下是一些具質素的平穏增長股，你可以參考下。
平穩增值股，例如指數基金，美股如（VOO）、港股如盈富（2800.HK），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388.HK）、港鐵（0066.HK）、恆基（0012.HK）、港交所（0388.HK）、領展（0823.HK）、長建（1038.HK）等。
好明顯集中晒係科技股類
- 2) 個別企業和行業，不要佔組合15%和30%以上，銀行業更加不要高於組合20%，否則會有過度集中性風險。你現時好明顯集中晒係科技股類，長線必需要轉移部份持股，至其他行業，才算穏當。
- 3) 長城汽車（2333.HK）業務不過不失，質素都有D，但不算好強，長線不宜持有太多。
- 4) 你現時組合明顯偏重晒係港股，建議你未來加入一些美股，令整個組合變得更平衡。
可以考慮加入 VOO
但要留意，個別地區不建議超過組合的8成，如果不懂選股的話，可以考慮加入(VOO)，作用類似盈富（2800.HK）。Vanguard S&P 500 ETF（VOO）就是追蹤美股的ETF，追蹤指數是標普500指數，當中都是全球有實力的公司，有長線投資價值。
由於美股波動，不建議一次過大手買入，最好的方法慢慢分注，或以類似月供模式進行，長線持有，這是一個最好的投資策略。
部份持股買入價都偏高
- 5) 你部份持股，買入價都偏高，都係令你虧損架主因之一。建議你把握時間，學好企業估值。以免出現選對優質股，但長線依然虧損的情況。
- 6) 你要明白，現時大環境唔會短時間變好，中短期好大機會都仲有波動。但只要配置得宜，同時持股有質素，只要有耐心長線就會見到成果。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。
