【理財個案】90後普通打工仔指一直覺得百萬距離自己好遠，自從3年前受到啟發，知道只要有計劃理財加投資，100萬其實每個人都做到...下個目標想買樓上車！

理財個案｜讀者來信：90後3年前受啟發投資賺到100萬

老師，有個好消息想話你知，我今年資產終於成功突破7位數字！作為一個90後普通打工仔，以前一直覺得百萬距離自己好遠，自從3年前上完你股票班，受到啟發，知道只要有計劃，理財，加上投資，100萬其實每個人都做到，所以想係度多謝你！

置業係我下一個目標，呢一年我自己開始留意多咗樓市，想買一間兩房單位自住，由於資金有限，可以選擇的樓盤唔係太多，我自己主要考慮呢3點：

  1. 地點
  2. 樓齡
  3. 實用面積

目標買400至600萬兩房單位

如果目標400-600萬既樓，老師以你經驗黎睇，我應該揀邊個好？多謝老師意見！

  1. 地點便利＋樓齡舊d(30-40幾年)＋實用面積約400呎
  2. 地點便利＋樓齡新d(10-20幾年)＋實用面積約250呎
  3. 地點不便利＋樓齡新d(10-20幾年)＋實用面積約400呎

個案重點

  • 90後
  • 擁$100萬
  • 未有物業

重點目標

  • 想買$400萬-$600萬物業
  • 物業的選擇

龔成老師分析：是你堅持與努力的成果

先恭喜你，資產突破$100萬！這是你堅持與努力的成果，只要我哋有計劃，一步步進行理財，就會做得到！上述每一間，都各有利弊，如果你有自住需要，其實可以考慮自住的因素較多，自己是否覺得好住，以及地點是否方便自己，配套是否足夠等。因此，好難話那一間絕對好，但我都嘗試每一間，講出當中的優點缺點，而你以「地點、樓齡、實用面積」去作為分析的重點，方向正確，你也可以閱讀我的《5年買樓4部曲》作參考。

物業1：樓齡高維修問題較嚴重

（物業1）面積及地點都不差，但缺點是樓齡。你最重要是了解，這物業的維修情況怎樣，做了大維修未？因為大維修將要支付一筆較大的開支，這是額外成本。另外，如果物業較陣舊，你就要支付持續的維修費用，對你是一個持續開支。

同時，當你日後要將物業賣出，下一手就會考慮到時的維修情況，如果到時情況更差，加上樓齡又更舊，你就要留意這方面的不利因素。香港其實有很多樓都有成30年，只要維修方面不差，仍可以考慮。相反，如果去到40年，同時維修問題較嚴重，就不建議。

物業2：基本家庭需要的呎吋都達唔到

（物業2）因為佢呎吋太細，連300呎都無，一個基本家庭需要的呎吋都達唔到，投資價值會相對較一般，因為要擁有300呎的面積算是一般家庭的基本需要，你買入時，除了考慮自身因素，同時要想「市場」，市場因素會影響樓價，影響你日後賣出時買家所想的因素。

因此，從投資角度，（2）相對一般，但如果你考慮自住物業作出發點的話，其實你最重要係睇翻，邊間物業配合到你未來10-20年生活。而且，你係有信心長線供得起，咁就可以。如果你認為（2）這間，地點、價錢、樓齡等因素吸引，而你自己認為250呎接受的話，這間不是不能考慮的。

物業3：較值得考慮的一間

（物業3）第一，要睇你自己是否方便，第二，長遠的配套是否會增加。

有時從投資角度，如果這刻的配套未成熟，但只要慢慢變得成熟，投資價值就會增加，原理同投資潛力股一樣（在企業未成熟時投資，耐心等其成長，但到最大的回報）。

如果你自己都住這區，或在這區覺得方便、配套足，就可考慮。加上香港政府發展新界北、大嶼山，同時大力發展交通基建，去連接這些地區同市區，令市民更快出入市區，如果（3）長遠會因為政府的發展計劃，在交通配套上受惠，有機會（3）是較值得考慮的一間，當然你要了解清楚發展、配套等因素。

更多理財方法及股票投資入門內容

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。