【理財個案】現階段16歲，一個月能從零用錢中存到1500，存款暫時有一萬多，我該如何發揮存款的價值？我有同學靠股票賺了一倍投入的本金，對於沒有投資基礎的中學生，建議學習/嘗試股票投資嗎？

龔成老師分析︰年輕就有理財致富想法很出色

首先，我很高興你咁早就有理財致富想法，很出色。作為一個初學者，唔好急。你一定要記住一個重點，就係"財不入急門"，千奇唔好短炒。因為坊間好多資訊都會同你講，短炒，估上落去賺錢，其實事實唔係咁。我自己做證券行多年，短炒架基本上都係輸錢多。真係賺大錢，反而係平時動作少，做長線投資個班。就算全球投資最叻架股神巴菲特，都唔會短炒，而係做長線投資，你就明「長線」有幾重要。

初學投資先要做3件事

你現時要做，就係先要做三樣野。

  • 第一，增加知識，你要學理財及投資的知識，記住，投資並不是坊間的炒炒賣賣，你要從書本或課堂上認真學習。《圖解股票小百科》適合初階者的。
  • 第二，了解銀行及證券行，去開一個證券戶口(或者用父母戶口幫你投資住先)，並準備做月供股票。
  • 第三，將每月的部分資金，去做月供股票，供一些指數ETF，如港股盈富（2800）或美股VOO。對初階投資者來說，月供股票是一個很好的累積財富方法，因為可避免你一次過在高位買入的風險。

月供股票是較理想做法

因為你本金和投資經驗唔多，月供會係較理想做法。如果你係想重點買美股，因為VOO 1股成本唔高，你可以儲夠1股資金，就去買1股咁慢慢儲﹐都係可以(盈富一手就較貴，最好用月供)。月供股票原理如同儲錢，不過就不是儲現金，而是儲股票。計劃要長期進行。

長期儲貨可助你財富平穩增值

另外，盈富、VOO是一個股票組合，適合絕大部分人投資，風險不高，長期儲貨可助你財富平穩增值，記住要長線持有。當你在做上述三件事的同時，開始學下股票，了解下那些股票適合你自己。上述只同你簡單供盈富、VOO，當你過幾個月，有知識及少少經驗後。到時你出黎做野，或者兼職賺到錢，就可以利用你手上的資金，其中一部分，去投資股票。

更多理財方法及股票投資入門內容

作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。

免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。