【理財個案】34歲未婚女讀者，兩份parttime當fulltime返，月入4萬至4萬6，近兩年才有此收入，同父母住，無打算生小朋友、無打算移民，亂買美股大部分蝕…
理財個案｜34歲未婚女返兩份PT月入約4萬
老師你好，本人34歲，未婚兩份parttime當fulltime返，月入4萬到4萬6（嗰日唔返工就無錢）近兩年先有呢個收入，同父母住物業係父母，無打算生小朋友，無打算移民。
每月固定必需開支大概15000，未計交稅。稅務寬減至6000後，今年要交60000蚊稅，好肉痛。股票分佈如下圖，有啲係月供，有啲係一手買。得比亞迪有得賺下，其他一直蝕。美股確實係亂買，後悔中。
美股確實係亂買
- 跟咗老師意見，抽到綠債，啱我唔想做咁多功課又可以增值
- 銀行流動現金82萬，都係做下短嘅定期0.8%息咋，有幾萬蚊人民幣同澳幣定期
- 有諗過買樓，但計數後，要全副身家俾哂，之後每個月供得好辛苦，得到嘅係一層30幾年嘅樓，之後就打消念頭了
請教老師，邊啲股票可以放棄呢？賣咗，拎啲錢做其他投資？睇香港個市，都唔會升返去以前咁，係咪一定要蝕讓呢？係咪買美股好啲呢？點樣可以更好好利用啲錢？
謝謝你
龔成老師分析︰難言經濟理想
你手上架股票，基本上都有長線投資價值。但當中架FateTherapeuticsInc(FATE)不確定高，不宜持有太多。你要明白現時全球衰退風險、通漲問題、地緣政治和戰爭危機依然存在。表面上，經濟好似復常，但另一邊大型企業正不斷裁員，難言經濟理想。你要明白，現時面對係過去20-30年以來最複雜架環境，好多問題都一次過發生。所以，你預中短期一定會好波動，但我會邊穏陣投資之餘，都會同時找尋市場機會。
「先增值 後現金流」作方法
至於配置方面，我地投資增值會運用「先增值，後現金流」作方法，初期投資較有潛力的股票，令財富較快增值，當增值到一定金額後，可開始將財富分配至平穩增值型股票，然後到已累積了相當財富後，才漸漸轉成收息型股票，為自已創造穏定現金流。
34歲 應以增值為主
你34歲，應以增值為主，建議你用「平穏增長股」+「潛力股」作組合，去創造一個增值平台。綠債係有佢架價值，但主要係收息(同定期性質類似)，這2類型收息資產長線不宜持有太多，以免拖低組合增長力。你現時持股唔洗特別調整，至於現有資金(包括定期)，你可以先扣起半年至1年架應急生活費，再睇睇現金和持股比例。
現時大市在合理區底
現時大市在合理區底，現金大約佔2成會較理想。你可以因應自己情況，再慢慢加注。以下是一些適合你未來加注和月供的股票，你可以參考下。至於物業，你無急切性就唔好買住。但長線任何人都有住屋需求，如果你而家住架地方唔可以係長線，你都要計劃下將部份資金，未來投入物業項目，以免長線要承受租金波動性風險。
平穩增值股推薦
平穩增值股，例如指數基金，美股如（VOO）、港股如盈富（2800），另外再加：美股如巴郡（BRK.B）、蘋果公司（AAPL）、迪士尼（DIS）、Costco好市多（COST）、麥當勞（MCD）、可樂（KO）、港股如中銀（2388）、港鐵（0066）、恆基（0012）、港交所（0388）、領展（0823）、長建（1038）等。
想增長力高少少可考慮潛力股
如果想增長力高少少，可考慮潛力股，例如指數基金，美股可投資納指基金（QQQ），或在港上市追納指基金（2834）、港股則可考慮安碩恒生科技（3067）、中國電車基金（2845）。另外再加：美股如微軟（MSFT）、Visa（V）、ASMLHolding（ASML）、Tesla（TSLA）、Amazon（AMZN）、港股如阿里（9988）、騰訊（0700）、比亞迪（1211）、小米（1810）等，你可以了解下，並從中選股，但佢地波動性和風險會較高，要自己平衡。
你現時無太多投資經驗和知識，潛力股這類風險較高的股票，你就不要持有過多，最多維持2-3成好了，甚至先集中係平穏增長股類。
若你有一定投資知識﹐潛力股比重可以相應調高，佔組合約3-5成，視乎你當時投資知識多寡和了解這些股票程度而定。
更多理財方法及股票投資入門內容
作者簡介：龔成（龔成Facebook專頁）是財經書作者，至今出版超過10本財經書，包括《股票勝經》、《選股勝經》、《50優質潛力股》、《50穩健收息股》、《50值博倍升股》、《大富翁致富藍圖》、《80後百萬富翁》、《80後2百萬富翁》、《80後3百萬富翁》、《財務自由行》等，過往曾以萬元月薪滾出數百萬，現為股票班導師，身家過千萬元。
免責聲明：本網頁刊載的所有投資技巧及分析，僅供參考用途。讀者作出任何投資決定前，要自行判斷及審慎處理，更要自行掌握市場最新變化。若不幸招致任何損失，概與本網頁及相關作者與受訪者無關，本網頁概不負責 。而本網頁所有專欄作者的觀點，不代表本媒體立場。