理財個案｜28歲已留100萬應急！仲有50萬閒錢做定期vs買高息股｜龔成教室

【理財個案】28歲讀者指自己有50萬閒錢，已預留100萬應急。正月供兩隻股票，想知應該揸現金做定期存款，還是買隻平穩高息股收息，有哪隻高息股推介？

理財個案（1）讀者來信：28歲有50萬閒錢投資

老師你好，我28歲。有五十萬閒錢，已經預留了一百萬應急。我應該揸現金做定期，還是買隻平穩高息股收息，推介邊隻高息股？我平時有月供安碩恒生（3067.HK）、GX中國電車（2845.HK）。

現金其實主要有三個作用：備用、等買入時機、交易。由於你已有一定儲備，所以我建議你動用這50萬閒錢，去進行投資，買入優質資產。

你28歲，依然很年青，理財應以增值為主，故不建議持有太多收息股或者定期，始終增長力較弱。因此，我較建議你用「平穏增長股」 + 「潛力股」作組合，去創造一個增值平台。以現時大市處於合理的水平來講，算係合理區中下部，現金和股票應該大約3:7或者2:8。

你可以睇翻自己比例，去決定是否需要”分注”再儲多少少貨。你現時月供的，都是有質素的潛力股，可以照供。不過，佢地不確定性較高，建議你加入「平穏增長股」，去令組合更平衡。

老師，在投資上，有時我覺得有太多產品及資訊，該如何開始？

其實我地投資，只會集中係優質資產（如優質股、物業、生意等。）而當中優質股入場資金門檻最低，所以會較適合初學者。如果你對股票自問唔太認識，你可以先集中一些指數型ETF（如VOO）。佢地係一籃子不同行業的優質股，能有效分散風險，適合初學者。

至於資訊，首先你要學會分清楚「個人意見」和「客觀事實」，前者參考價值有限，後者幫你審時度世。之後，再在「客觀事實」中，找出那些對大市或者你投資項目有關的內容，再作仔細分析。這部份有點難，要時間磨鍊，加油！

完美醫療（1830.HK）應該比香港科技探索（1137.HK）會好一點嗎，感激你

兩隻都是有風險，有潛力的企業，你或可考慮同時持有，但每一隻不建議太多。完美醫療（1830.HK）長遠有發展，本身有一定的質素。不過本身因為經濟、市場競爭等因素，令佢中短期業務未必好強。

不過如果睇翻之前的疫情，佢身處的行業受影響，但佢的現金流及財務數據都唔算差，這點可以想象到，當經濟好的經營環境，佢的生意一定唔錯。加上佢的野心唔細，本身有一定的技術，同時不斷將香港的業務模式複製到其他海外地區，我見佢加強了發展其他地方，因此發展不差。

這股有長線投資價值。所以，如果無貨可分注，或者你先小注，等跌慢慢分注，然後等跌多d先正式分注投資。但這股又不建議持貨太多，因此都要控制翻注碼。佢性質同（1137.HK）不同，但整體風險度都係相若。

我在投資上，唔知應該點樣起步，可否比下意見

我建議你要多讀投資相關書本、年報，新聞和報讀相關課程，先建構好正確投資理念。之後，再用一些風險較低股票去嘗試，例如指數型ETF(如VOO)，佢哋係一籃子不同行業的優質股，能有效分散風險，適合初學者。書本上，你可以睇我寫架《80後千萬富翁》、《財務自由行》和《股票勝經》，都適合初學者。

另外，本人的【投資倍升股課程】適合初學者的，每一課後都會有指引比你，要你在一星期內找那些資料，溫那些內容，只要你跟著去完成，到你讀完整個課程後，你已能自己選股、投資、評估平貴，在投資上已掌握了一定的知識。